रायगड जिल्हा परिषदेच्या शहापूर गटाच्या पोटनिवडणुकीत शेकापचे उमेदवार अॅड. आस्वाद पाटील विजयी झाले. त्यांनी काँग्रेसचे उमेदवार प्रदीप जनार्दन पाटील यांचा तब्बल ८ हजार २७३ मतांनी पराभव केला. अॅड. आस्वाद पाटील यांना १२ हजार ४३५, तर प्रदीप पाटील यांना ४ हजार १६२ मते मिळाली. अन्य तीन उमेदवारांची अनामत रक्कम जप्त झाली. शहापूर गटाच्या पोटनिवडणुकीसाठी २८ जानेवारी रोजी मतदान झाले होते. २८ हजार ३७४ मतदारांपकी १८ हजार मतदारांनी मतदानाचा हक्क बजावला होता. शुक्रवारी जे.एस.एम. कॉलेज येथे मतमोजणी झाली. अॅड. आस्वाद यांनी १२ हजार ४३५ मते मिळाली. काँग्रेसचे प्रदीप पाटील यांना ४ हजार १६२ मते, भाजपचे राजेश पाटील यांना ६२५, शिवसेनेचे हेमंत पाटील यांना १०१२, तर अपक्ष उमेदवार संजय पाटील यांना ५८ मते मिळाली. २५१ मतदारांनी नोटा पर्यायाची निवड केली.