कोपरखैरणे येथील सचिन जाधव व ऐरोली येथील टिनू धारवळकर या दोन तरुणांनी बुधवारी आत्महत्या केल्याचे उघडकीस आले. दोघांनीही घरात गळफास लावून आत्महत्या केली आहे. कोपरखैरणे सेक्टर २३ येथे राहणारा सचिन जाधव हा युवक काँग्रेसचा उपाध्यक्ष होता. व्यवसायाने रियल इस्टेट एजंट असणाऱ्या जाधव याने कर्जामुळे आत्महत्या केली असावी, असा पोलिसांचा प्राथमिक अंदाज आहे, तर ऐरोली सेक्टर १० मध्ये राहणाऱ्या टिनूच्या आत्महत्येचे कारण अद्याप समजू शकलेले नाही.
