बजाज फायनान्सकडून नियोजनबद्ध ठेव योजनेचा पर्याय

दरमहा ५,००० रुपये रकमेपासून सुरुवात करत, गुंतवणूकदार प्रत्येक मासिक ठेवीच्या तारखेला त्या ठेवीसाठी लागू असलेल्या व्याजदराचा लाभ घेऊ शकतील. आवर्ती ठेव योजनेच्या तुलनेत एसडीपीचे वेगळेपण हेच की, यात ठेवीदारांना बदलत्या व्याजदराचा फायदा मिळेल. शिवाय, ठेव योजनेत जमा रकमेबाबत पुरेशी तरलता, प्रसंगी कर्ज उचलही करता येईल. योजनेसाठी गुंतवणूकदार १२ ते ६० महिन्यांच्या कालावधीची निवड करू शकतील. प्रत्येक मासिक ठेवीच्या कालावधीच्या अखेरीस गुंतवणूक रक्कम आणि त्यावरील व्याजाचा समावेश असलेली रक्कम त्यांच्या संबंधित खात्यांमध्ये जमा केली जाईल.