आदिवासी विकासासाठी नवीन योजना नाही, पण एकंदर तरतूद १३०० कोटींवर!

राज्याच्या अर्थसंकल्पात आदिवासी विकास कार्यक्रमांसाठी यंदा भरीव म्हणजे जवळपास १३०० कोटींच्या निधीची तरतूद करण्यात आली आहे. आदिवासीबहुल नाशिक जिल्ह्याला यातून अधिकाधिक लाभ मिळण्याचे संकेत आहेत.

राज्याच्या अर्थसंकल्पात आदिवासी विकास कार्यक्रमांसाठी यंदा भरीव म्हणजे जवळपास १३०० कोटींच्या निधीची तरतूद करण्यात आली आहे. आदिवासीबहुल नाशिक जिल्ह्याला यातून अधिकाधिक लाभ मिळण्याचे संकेत आहेत. अर्थसंकल्पात आदिवासी भागातील गावे, वाडय़ा व वस्त्यांच्या विकासासाठी ‘ठक्कर बाप्पा आदिवासी वस्ती सुधार योजना’ लागू करण्यात आली आहे. या योजनेअंतर्गत पिण्याच्या पाण्याची सोय, विद्युतीकरण, रस्ते व गटारांचे बांधकाम तसेच इतर मूलभूत सुविधा उपल्ध करून देण्यात येतात. आगामी वर्षांत या योजनेसाठी २४५.२३ कोटींच्या निधीची तरतूद करण्यात आली. या वाडय़ा-वस्त्यांना वीजपुरवठा उपलब्ध करून देण्यासाठी अर्थसंकल्पाने आगामी वर्षांसाठी ८२.८९ कोटी रुपयांची तरतूद केली आहे.  आदिवासी भागातील शाळेतील विद्यार्थ्यांची गळती थांबविण्यासाठी इयत्ता १ ली ते १० वी पर्यंतच्या विद्यार्थ्यांसाठी सुरू असलेल्या ‘सुवर्ण महोत्सवी आदिवासी शिष्यवृत्ती योजने’करिता २०१३-१४ सालासाठी २०३.६८ कोटींची तरतूद केली गेली आहे. आदिवासी विकास विभागामार्फत चालविण्यात येणाऱ्या ४३७ आश्रमशाळांपैकी आणखी १८६ शाळांच्या इमारती व वसतिगृहांच्या बांधकामाकरिता अर्थसंकल्पात ५०१.३८ लाख रुपयांची तरतूद केली गेली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: No new scheme for aboriginal but provision more than 1300 carod

ताज्या बातम्या