‘सेन्सेक्स’ अखेर २५,५०० पुढे!

सलग तिसऱ्या सत्रात वधारणाऱ्या सेन्सेक्सने दोन आठवडय़ाच्या उच्चांकांपर्यंत मजल मारत मंगळवारी २५,५००पुढे मजल मारली. सेन्सेक्स १०२.५७ अंशांनी वधारत २५,५१६.३५ वर तर राष्ट्रीय शेअर बाजाराचा निफ्टी २३.३५ अंश वाढीसह ७,६३४.७० वर पोहोचला.

सलग तिसऱ्या सत्रात वधारणाऱ्या सेन्सेक्सने दोन आठवडय़ाच्या उच्चांकांपर्यंत मजल मारत मंगळवारी २५,५००पुढे मजल मारली. सेन्सेक्स १०२.५७ अंशांनी वधारत २५,५१६.३५ वर तर राष्ट्रीय शेअर बाजाराचा निफ्टी २३.३५ अंश वाढीसह ७,६३४.७० वर पोहोचला. सोमवारी उशिरा जाहीर झालेल्या मेमधील निर्मिती क्षेत्रातील वाढ व मंगळवारच्या जूनच्या वाढीव वाहन विक्रीच्या जोरावर बाजार दिवसभर तेजीच्या हिंदोळ्यावर राहिला. अनुदान भार कमी करणारा गॅस दरवाढीसारख्या कठोर निर्णयाचेही बाजारात स्वागतच झाले. परिणामी वाहन, पोलाद, भांडवली वस्तू, बांधकाम क्षेत्रातील समभागांना मागणी राहिली. वाढलेल्या विक्रीमुळे मारुती, महिंद्रसारख्या कंपन्यांचे समभाग मूल्य उंचावले. तर डॉलरचा उतरल्याने माहिती तंत्रज्ञान कंपन्यांना मंगळवारी एकूण निर्देशांक वधारणेतही घसरण राखावी लागली.
ल्ल भांडवली बाजारातील तेजीला साथ चलन बाजारातील व्यवहाराने मंगळवारी उठावदार कामगिरी केली. डॉलरच्या तुलनेत रुपया मंगळवारी १० पैशांनी उंचावला. गेल्या १० दिवसांतील त्याची ही सर्वोत्तम कामगिरी राहिली. चलन दिवसअखेर ६०.०७ वर स्थिरावले. अनुदानावरील भार कमी करण्यासाठी सरकारने इंधनाच्या किमतींमध्ये केलेल्या वाढीमुळे रुपया भक्कम झाल्याचे मानले जाते. चलन यापूर्वी १९ जून रोजी ३१ पैशांनी वधारले होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sensex opens above

ताज्या बातम्या