मेष:- अचानकपणे काही लाभ संभवतात. जोडीदाराचा सुस्वभाविपणा दिसून येईल. काही वेळेस कंजूसपणा दाखवाल. मुलांच्या प्रकृतीकडे लक्ष ठेवा. फार विचार करत बसू नका. वृषभ:- बौद्धिक दिमाख दाखवाल. उत्तम वैवाहिक सौख्य लाभेल. अवाजवी अपेक्षा न केलेल्याच बऱ्या. जोडीदाराच्या सुशिक्षितपणाचे कौतुक कराल. सामाजिक प्रतिष्ठा वाढेल. मिथुन:- नातेवाईकांचा प्रेमळ सहवास लाभेल. काही भाग्यकारक घटना घडतील. तुमच्या कामाचे कौतुक केले जाईल. हाताखालील लोकांचे सौख्य लाभेल. कामाचा उरक वाढेल. कर्क:- तुमचा मान वाढेल. बौद्धिक छंदाला अनुकूल वातावरण लाभेल. योग्य तर्क कराल. मैदानी खेळास चालना मिळेल. कामात सातत्य दाखवाल. सिंह:- उत्तम गृहसौख्य लाभेल. स्त्रियांना गृहिणीपदाचा मान मिळेल. वाहन सौख्य चांगले लाभेल. घरातील कामांना वेग येईल. वडिलधाऱ्यांचे मत विचारात घ्यावे. कन्या:- घरात तुमचे प्रभुत्व राहील. कलेला प्रोत्साहन मिळेल. उद्दिष्ट साध्य करण्याचा प्रयत्न कराल. जोमाने कामे कराल. अडथळ्यातून मार्ग काढाल. तूळ:- गैरसमजुतीतून वाद संभवतात. सामुदाईक वादात अडकू नये. पायाचे विकार बळावू शकतात. उष्णतेचा त्रास जाणवेल. वृश्चिक:- घरातील वातावरण भक्तिपूर्ण राहील. कामात स्त्रीवर्गाचा हातभार लागेल. मोठ्या लोकांचा पाहुणचार कराल. कामातील उर्जा वाढीस लागेल. आरोग्यात सुधारणा होईल. धनु:- मनातील चुकीच्या विचारांना बाजूला सारावे. कामाव्यतिरिक्त इतर गोष्टीत लक्ष घालू नका. तुमची इच्छा पूर्ण होईल. प्रयत्नात कसूर करू नका. कष्टाला कंटाळू नका. मकर:- चिंता व्यर्थ आहेत. एखाद्या कामातील अपयशाने खचून जावू नका. कामानिमित्त प्रवास करावा लागेल. वरिष्ठांची मर्जी राखावी. मदतीचा आनंद मिळेल. कुंभ:- उष्णतेचे विकार जाणवतील. महिलांनी आरोग्यास जपावे. जोडीदाराशी मतभेद वाढवू नका. मुलांचे मत समजून घ्यावे. अचानक धनलाभाची शक्यता. मीन:- एकमेकांचे विचार जाणून घ्यावेत. जोडीदाराची प्राप्ती वाढेल. गुह्यभागाचे विकार बळावू शकतात. बाहेरील पदार्थ खाणे टाळावे. पित्ताचा त्रास जाणवेल. – ज्योतिषी विद्याधर करंदीकर
