Horoscope Today In Marathi, 13 July 2025: आज १३ जुलै २०२५ रोजी आषाढ महिन्याच्या शुक्ल पक्षातील तृतीया तिथी आहे. तृतीया तिथी रात्री १ वाजून ३ मिनिटांपर्यंत असणार आहे. संध्याकाळपर्यंत ६ वाजून १ मिनिटांपर्यंत प्रिती योग जुळून येईल. उद्या संध्याकाळपर्यंत म्हणजेच ६ वाजून ४९ मिनिटांपर्यंत धनिष्ठा नक्षत्र जागृत असणार आहे. आज राहू काळ ४:३० मिनिटांनी सुरु होईल ते ६ वाजेपर्यंत असणार आहे. तसेच सकाळी ४ वाजून ८ मिनिटांनी नवग्रहांचा न्यायाधीश मानला गेलेला शनि ग्रह वक्री होणार आहे. आताच्या घडीला शनि गुरुचे स्वामित्व असलेल्या मीन राशीत विराजमान आहे. जून २०२७ पर्यंत शनि मीन राशीत असणार आहे. तर तुमच्यासाठी रविवार कसा असणार, शनीच्या वक्री अवस्थेचा लाभ तुम्हाला होणार का? जाणून घेऊया…
१३ जुलै २०२५ पंचांग व राशिभविष्य ( Today Horoscope In Marathi, 13 July 2025 )
आजचे मेष राशिभविष्य (Aries Horoscope In Marathi)
मित्रांशी मनमोकळ्या गप्पा माराल. छंद जोपासायला वेळ काढाल. आवडत्या साहित्यात रमून जाल. कौटुंबिक सौख्याला अधिक प्राधान्य द्याल.
आजचे वृषभ राशिभविष्य (Taurus Horoscope In Marathi)
स्वछंदीपणे दिवस घालवाल. आपल्या आजच्या सर्व इच्छा पूर्ण करून घ्याल. बाहेरील परिस्थितीचा अंदाज घेऊन खरेदी कराल. घरातील गोष्टींसाठी वेळ द्यावा. समोरील प्रत्येक गोष्टीत रमून जाल.
आजचे मिथुन राशिभविष्य (Gemini Horoscope In Marathi)
घरगुती जबाबदारी उत्तमरीत्या पेलाल. जवळचा प्रवास सुखकर होईल. काही खर्च अनाठायी होऊ शकतात. कामात भावंडे सहकार्य करतील. केलेल्या कष्टाचे समाधान मिळेल.
आजचे कर्क राशिभविष्य (Cancer Horoscope In Marathi)
कौटुंबिक गोष्टीत अधिक वेळ जाईल. एखाद्या क्षुल्लक गोष्टीसाठी अडून राहू नका. वयस्कर व्यक्तींचा मान राखाल. पैशाचा अपव्यय टाळावा. खोट्या गोष्टींना भुलू नका.
आजचे सिंह राशिभविष्य (Leo Horoscope In Marathi)
दिवस आपल्या मनाप्रमाणे व्यतीत करावा. आवडत्या गोष्टीत अधिक रमून जाल. कमीपणा घ्यायला घाबरू नका. मानापमानाच्या प्रसंगातून जावे लागू शकते. नवीन मित्र जोडले जातील.
आजचे कन्या राशिभविष्य (Virgo Horoscope In Marathi)
विचारांच्या गर्दीत भरकटू नका. कामाची योग्य दिशा ठरवा. कल्पनेत रमून जाऊ नका. कृतीला अधिक महत्त्व द्यावे. बोलतांना तारतम्य बाळगा.
आजचे तूळ राशिभविष्य (Libra Horoscope In Marathi)
चांगला व्यावसायिक लाभ होईल. आपली आजची आर्थिक गरज पूर्ण होईल. मनातील इच्छा पूर्ण होईल. अपेक्षित लाभाने समाधान मिळेल. व्यावसायिक दर्जा सुधारेल.
आजचे वृश्चिक राशिभविष्य (Scorpio Horoscope In Marathi)
नोकरीच्या ठिकाणी दिवस चांगला जाईल. कर्तुत्वाला वाव देता येईल. वरिष्ठ तुमच्या कामाची प्रशंसा करतील. व्यापारी वर्गाला नवीन धोरण आखता येईल. सन्मानाने भारावून जाल.
आजचे धनू राशिभविष्य (Sagittarius Horoscope In Marathi)
तरुणांचे नवीन विचार जाणून घ्या. नातेवाईकांची नाराजी दूर करावी लागेल. दैनंदिन कामात थोडा बदल करून पाहावा. सबुरीच्या मार्गाने समोरील प्रश्न हाताळा. आईचे उत्तम सहकार्य मिळेल.
आजचे मकर राशिभविष्य (Capricorn Horoscope In Marathi)
जोडीदाराची प्राप्ती वाढेल. पण त्याबरोबरच एकमेकांना समजून घ्यावे लागेल. वैचारिक मतभेदाला बाजूला ठेवावे. काम आणि वेळ यांचा योग्य मेळ घालावा. अचानक धनलाभाची शक्यता.
आजचे कुंभ राशिभविष्य (Aquarius Horoscope In Marathi)
अति आवश्यक असेल तरच बाहेर पडावे. जोडीदाराचा वरचष्मा राहील. भागीदारीत मतभेद संभवतात. संपर्कातील लोकांशी घनिष्ठता वाढेल. घरगुती वातावरण प्रसन्न राहील.
आजचे मीन राशिभविष्य (Pisces Horoscope In Marathi)
आततायीपणे वागून चालणार नाही. कामातून समाधान लाभेल. हाताखालील लोकांचे उत्तम सहकार्य मिळेल. मुलांच्या वागण्याचा अचंबा वाटेल. हातातील कलागुण विकसित करावेत.
ज्योतिषी विद्याधर करंदीकर
