Horoscope Today, 18 July 2025 In Marathi : आज १८ जुलै २०२५ रोजी आषाढ महिन्याच्या शुक्ल पक्षातील अष्टमी तिथी आहे. अष्टमी तिथी संध्याकाळी ५ वाजून २ मिनिटांपर्यंत असणार आहे. रात्री ३ वाजून ५६ मिनिटांपर्यंत धृति योग जुळून येईल. रात्री २ वाजून १४ मिनिटांपर्यंत अश्विनी नक्षत्र जागृत असणार आहे. आज राहू काळ १०:३० मिनिटांनी सुरु होईल ते १२ वाजेपर्यंत असणार आहे. तर शुक्रवारी तुमच्या दारी कसे येणार सुख जाणून घेऊया…
१८ जुलै २०२५ पंचांग व राशिभविष्य (Today Horoscope In Marathi, 18 July 2025)
आजचे मेष राशिभविष्य (Aries Horoscope In Marathi)
भागिदारीतून अपेक्षित लाभ होईल. थोडीफार खरेदी केली जाईल. दिवसाचा उत्तरार्ध चांगला जाईल. काही मनाजोग्या गोष्टी करता येतील. जोडीदाराचा उत्तम पाठिंबा मिळेल.
आजचे वृषभ राशिभविष्य (Taurus Horoscope In Marathi)
कलहकारक वातावरण टाळावे. गरजेच्या वस्तु खरेदी केल्या जातील. विरोधकांचा विरोध मावळेल. कामातून समाधान लाभेल. प्रलंबित कामे पूर्ण करू शकाल.
आजचे मिथुन राशिभविष्य (Gemini Horoscope In Marathi)
ठामपणे निर्णय घ्यावे लागतील. भावनिक ताण कमी करावा. बौद्धिक चर्चेत भाग घ्याल. आपल्याच मतावर अडून राहू नका. मुलांकडून चांगल्या बातम्या मिळतील.
आजचे कर्क राशिभविष्य (Cancer Horoscope In Marathi)
जोडीदाराचे मत विचारात घ्या. गनीमी काव्याचा वापर कराल. हट्टीपणे वागाल. संयमाने काम साधावे लागेल. सामाजिक जाणीव ठेवावी लागेल.
आजचे सिंह राशिभविष्य (Leo Horoscope In Marathi)
सकारात्मकता कमी पडू देऊ नका. तुमच्या इच्छाशक्तीची चांगली मदत मिळेल. मनावरील चिंतेचे मळभ दूर होईल. मुलांवरील विश्वास घट्ट होईल. उत्साहाने कामे तडीस न्याल.
आजचे कन्या राशिभविष्य (Virgo Horoscope In Marathi)
मतभेदाचे प्रसंग येऊ शकतात. तडजोडीला पर्याय नाही. संयम सोडून चालणार नाही. कौटुंबिक कामात लक्ष घालावे लागेल. आवडी-निवडी बाबत आग्रही राहाल.
आजचे तूळ राशिभविष्य (Libra Horoscope In Marathi)
मनात विशिष्ट हेतु घेऊन काम कराल. दिवस धावपळीत जाईल. हातातील कामात यश येईल. आपल्या आवडत्या गोष्टीत रमून जाल. ऊर्जा आणि उत्साह वाढेल.
आजचे वृश्चिक राशिभविष्य (Scorpio Horoscope In Marathi)
उत्तराला प्रत्युत्तर द्याल. हमालीची कामे करणे टाळावे लागेल. कर्जाची प्रकरणे हातावेगळी करावीत. शक्यतो कोणालाही उधार देऊ नका. बौद्धिक दिमाख दाखवाल.
आजचे धनू राशिभविष्य (Sagittarius Horoscope In Marathi)
माणसामाणसातील फरक ओळखावा. दिवस कामाने व्यापलेला राहील. मनातील इच्छा पूर्ण होईल. आजचा दिवस अपेक्षित लाभ देणारा ठरेल. जुन्या गोष्टींनी त्रस्त होऊ नका.
आजचे मकर राशिभविष्य (Capricorn Horoscope In Marathi)
कामाची रूपरेखा ठरवा. स्वावलंबन असणे आवश्यक आहे. दान-धर्म करण्याचा विचार कराल. वरिष्ठ तुमच्या कामावर खुश होतील. तुमच्या ज्ञानात भर पडेल.
आजचे कुंभ राशिभविष्य (Aquarius Horoscope In Marathi)
इतरांच्या वागण्याचा फार विचार करू नका. धार्मिक गोष्टीत मन रमवा. विशाल दृष्टीकोन बाळगाल. नवीन मित्र जोडावेत. व्यावसायिक गोष्टीवर अधिक भर द्याल.
आजचे मीन राशिभविष्य (Pisces Horoscope In Marathi)
वाढीव कामे मागे लागू शकतात. खोट्या गोष्टींवर विश्वास ठेऊ नका. कोणताही व्यवहार करताना सावधानता बाळगावी. जबाबदारी टाळून चालणार नाही. आततायीपणा आड येऊ देऊ नका.
ज्योतिषी विद्याधर करंदीकर
