Shubh Vivah Muhurt 2025: देवउठनी एकादशी ही सर्व एकादशींपैकी सर्वात खास मानली जाते. कारण या दिवशी विश्वाचे रक्षक भगवान विष्णू १४२ दिवसांनी योगनिद्रेतून जागे होतील. भगवान विष्णू जागे होताच सर्व शुभ कार्यांना सुरूवात होईल. देवउठनी एकादशीला देव प्रबोधिनी एकादशी असेही म्हणतात. या दिवशी उपवास आणि पूजा करून भगवान विष्णू सर्वांच्या इच्छा पूर्ण करतात. देवउठनी एकादशीला भगवान विष्णूसोबत देवी लक्ष्मीचीही पूजा केली जाते.
देवउठनीच्या दुसऱ्या दिवशी तुलसी विवाह
या वर्षी २ नोव्हेंबर रोजी तुळशी विवाहाची सुरूवात होणार आहे. या दिवशी भक्त भगवान शालिग्राम आणि आई तुळशीचा विवाह पूर्ण विधिपूर्वक केला जातो. पौराणिक मान्यतांनुसार, ज्यांना मुले नाहीत त्यांनी या दिवशी तुळशी विवाह करावा. असे केल्याने सुखी वैवाहिक जीवन सुनिश्चित होते. देउठनी एकादशीपासून डिसेंबरपर्यंत लग्नासाठी शुभ मुहूर्त कोणकोणते आहेत हे जाणून घेऊ…
नोव्हेंबरमधील लग्नाचे मुहूर्त
नोव्हेंबर महिन्यातील लग्नासाठी शुभ मुहूर्त – २ नोव्हेंबर, ३ नोव्हेंबर, ५ नोव्हेंबर, ८ नोव्हेंबर, १२ नोव्हेंबर, १३ नोव्हेंबर, १६ नोव्हेंबर, १७ नोव्हेंबर, १८ नोव्हेंबर, २१ नोव्हेंबर, २२ नोव्हेंबर, २३ नोव्हेंबर, २५ नोव्हेंबर आणि ३० नोव्हेंबर.
डिसेंबरमधील लग्नाचे मुहूर्त
४ डिसेंबर, ५ डिसेंबर, ६ डिसेंबर आणि १६ डिसेंबर.
हिंदू धर्मात शुभ मुहूर्तांना विशेष महत्त्व आहे. या शुभ काळात मुंडन, लग्न, नामकरण, गृहप्रवेश अशी अनेक शुभ कार्ये केली जातात. विवाह हा प्रत्येक व्यक्तीच्या आयुष्यातील एक अतिशय खास दिवस मानला जातो. लग्न फक्त शुभ मुहूर्तांवरच केले जाते. म्हणून लग्नासारख्या शुभ कार्यासाठी विशिष्ट मुहूर्त आणि तारखा निश्चित केल्या जातात.
(टिप- वरील लेख प्राप्त माहितीवर आधारित आहे.)
