Gruha Pravesh Muhurta 2023 : नवीन घर घेतलंय? मग गृहप्रवेशासाठी शुभ मुहूर्तांची यादी इथे पाहा … | gruha pravesh muhurta in 2023 new house warming in these constellations and dates

Gruha Pravesh Muhurat : नवीन घराचे काम सुरू होण्याच्या अनेक दिवस आधी गृहप्रवेशाचे शुभ तिथी आणि शुभ मुहूर्त काढले जातात. त्या मुहूर्तावरच गृहप्रवेश केला जातो.

गृह प्रवेश शुभ मुहूर्त २०२३ (फोटो - जनसत्ता)

Muhurat for Griha Pravesh : कोणतीही इमारत, फ्लॅट किंवा घर बांधण्यापूर्वी भूमिपूजन केले जाते. त्यानंतर खऱ्या अर्थाने घर किंवा इमारत बांधकामाला सुरुवात होते. या बांधकामासाठी अनेक महिने जातात. त्यानंतर प्लास्टर, पेंटिंग आणि अंतर्गत काम सुरू होते. ही कामेही एक दिवस, आठवडा किंवा महिनाभरात पूर्ण होऊ शकत नाहीत. हे काम पूर्ण होण्यासाठी काही महिने लागतात. बिल्डर ही कामे अतिशय संयमाने आणि मनापासून पूर्ण करत असतो. त्यानंतरच एक सुंदर वास्तू उभी राहते. कोणत्याही नवीन वास्तूमध्ये किंवा घरात राहण्यास जाण्याआधी गृहप्रवेश केला जातो. हिंदू धर्मातही गृहप्रवेशाला विशेष महत्त्व आहे.

शुभ मुहूर्तावर घरात प्रवेश केल्याने कुटुंबात शांती राहते आणि संपूर्ण कुटुंबाची प्रगती वेगाने होते, असा एक समज आहे. त्यामुळे घरात प्रवेश करण्याची घाई कधीही करू नका. शुभ व अशुभ लग्न नक्षत्र आणि तिथी पाहूनच नवीन घरात प्रवेश करा. मुहूर्त पंचांग, तिथी, नक्षत्रानुसार गृहप्रवेश करणे शुभ मानले जाते.

शुभ नक्षत्रे : गृहप्रवेश करण्यासाठी रोहिणी, मृगाशिरा, चित्रा, अनुराधा, तिन्ही प्रकारचे उत्तरा व रेवती ही नक्षत्रे शुभ मानली जातात. विशेष परिस्थितीत पुष्य, स्वाती, धनिष्ठा व शताभिषा या नक्षत्रांमध्येही गृहप्रवेश करता येतो.

शुभ दिवस : सोमवार, बुधवार, गुरुवार, शुक्रवार व शनिवार.

शुभ तिथी : शुक्ल पक्षातील पहिली रिक्त संज्ञा, चतुर्थी, नवमी व चतुर्दशी आणि अमावास्येशिवाय सर्व तिथी शुभ मानल्या जातात.

This quiz is AI-generated and for edutainment purposes only.

आरोह : शुभ आणि स्थिर आरोहण श्रेष्ठ आहे.

First published on: 22-06-2023 at 14:36 IST

Web Title: Gruha pravesh muhurta in 2023 new house warming in these constellations and dates sjr