जन्मतारखेची बेरीज ‘ही’ येत असल्यास, प्रेम व धन मिळवताना येत नाही अडचण पण… काय सांगतं ज्योतिषशास्त्र

भाग्यांक २ असणाऱ्या लोकांचा स्वभाव कसा असतो?

उत्तम वक्तृत्व आणि बोलण्याची एक विशिष्ट लकब यातून या व्यक्ती समोरच्या व्यक्तीवर उत्तम छाप पाडतात. यांची नीटनेटके काम करण्याची पद्धत आणि उत्तम कामाचा उरक यातून हे उद्योग धंद्यात नोकरीत अडचणीच्या काळात सदैव पुढे असतात.

कुठल्याही विपरित प्रसंगात स्वत:ला सावरून सुरक्षित मार्ग काढण्याचे यांचे कसब फार वेगळे असते. या कारणाने या व्यक्ती समाजात अतिशय लोकप्रिय ठरतात. तसेच मित्रमंडळीच्या समुदायात मिळून मिसळून असतात. समूहापासून दूर असणे यांना बिलकूल जमत नाही. आपल्या आजूबाजूला चार माणसे असावीत यात हे मोठा आनंद मानतात.

अशा लोकांनी प्रेम प्रकरणात भावनावश होऊन आपले सर्वस्व उधळून लावण्याचा विचार कधीही करू नये. कारण यांच्या समोरील व्यक्तीला त्यात काही स्वारस्य नसते. हे मात्र त्या प्रेमाच्या भोवऱ्यात स्वत:ला फिरवत राहून आयुष्यात असलेल्या महत्त्वाच्या गोष्टी गमावून बसतात. तेव्हा यांनी ही सावधानतेची सूचना जरूर पाळावी.

हे ही वाचा<< प्रेमात अतिहळवी व स्वभाव अतिलहरी; तुमचा भाग्यांक हाच आहे का? जन्मतारखेवरून जाणून घेऊ स्वभाव

यांच्या जन्मतारखेत मूलांक दोन किंवा सातची उपस्थिती असेल तर मनाचा गोंधळ अधिक वाढेल. तर मूलांक एकची उपस्थिती उत्तम शिस्त देईल. तसेच मूलांक नऊच्या सहवासामुळे क्रोधाचे प्रमाण वाढेल तर मूलांक तीनच्या सहवासातून यांच्या मनाचा समतोलपणा उत्तम जपला जाईल.

या लेखाच्या पुढील टप्प्यात आपण भाग्यांक ३ ते ९ विषयी सुद्धा जाणून घेणार आहोत. यासाठी लोकसत्तावरील राशीवृत्त या कॅटेगरीला भेट द्यायला विसरू नका.

(टीप: वरील लेख हा प्राप्त माहितीवर आधारित आहे)