दिवाळीपूर्वीच ‘या’ राशी बनणार कोट्यधीश? १२ वर्षांनी देवगुरु चाल बदलताच पदोपदी मिळेल लाभ, चालत येईल लक्ष्मी दारी!

ज्यांना आतापर्यंत अडथळे आले होते, त्यांची कामं वेगानं पुढे सरकतील. त्यांच्या करिअर, व्यवसाय आणि प्रतिष्ठेत वाढ होईल. त्याशिवाय अचानक मिळणारा धनलाभ या राशींचं भाग्य उजळवणार आहे. आता पाहूया कोणत्या राशींवर गुरू बृहस्पतींची खास कृपा होणार आहे…

देवगुरुंची साथ मिळताच ‘या’ राशींचं होणार सोनं!

तूळ

गुरूंचा हा गोचर तूळ राशी असलेल्यांसाठी अत्यंत अनुकूल ठरणार आहे. कारण- गुरू तुमच्या कर्मभावात प्रवेश करणार आहे. त्यामुळे नोकरीत पदोन्नती, नवीन संधी मिळण्याचे संकेत आहेत. या काळात तुम्हाला काम आणि व्यवसायात चांगले यश मिळणार आहे. व्यापाऱ्यांना उत्तम नफा होऊ शकतो. धर्म, अध्यात्म, शिक्षणाशी संबंधित लोकांसाठी हा काळ सुवर्णसंधी घेऊन येऊ शकतो. दिवाळीआधीच आकस्मिक धनलाभ किंवा मौल्यवान भेटवस्तू मिळण्याची शक्यता आहे.

वृश्चिक

गुरू बृहस्पतींचा गोचर वृश्चिक राशीच्या लोकांसाठी भाग्यदायी ठरेल. अडकलेली कामं पूर्ण होऊ शकतात, परदेशात जाण्याचे मार्ग मोकळे होऊ शकतात. या काळात छोट्या–मोठ्या प्रवासाला जावं लागेल; पण त्यातून लाभच मिळेल. घरासाठी नवी खरेदी, फर्निचर किंवा प्रॉपर्टीशी संबंधित निर्णय घेण्यासाठी ही वेळ उत्तम आहे. तुम्हाला तुमच्या मुलाशी संबंधित काही चांगली बातमी कानावर पडणार आहे. काही काळापासून कोणतेही काम पूर्ण होत नसेल, तर ते पूर्ण होण्याची शक्यता आहे. कौटुंबिक जीवनात शांतता आणि आनंद नांदेल.

कर्क

१२ वर्षांनी गुरू पुन्हा आपल्या उच्च राशीत येत असल्याने कर्क राशीच्या लोकांना याचा विशेष लाभ होईल. लग्नभावात गुरूचे गोचर होणार असल्याने लोकप्रियता वाढेल, समाजात मान–सन्मान मिळेल. कोर्ट–कचेर्‍यांतील खटले तुमच्या बाजूने निकाल लागण्याची शक्यता आहे. नोकरी–व्यवसायात भाग्याची साथ लाभेल. देश–विदेश प्रवास, तसेच धार्मिक कार्यात सहभागी होण्याची संधी मिळेल. विवाहितांना वैवाहिक जीवनात समाधान मिळेल; तर अविवाहितांना विवाहाचे प्रस्ताव येतील. तुम्हाला मालमत्तेद्वारे लाभ मिळण्याचीही मोठी शक्यता आहे. 

(Disclaimer – या ठिकाणी दिलेली माहिती ज्योतिषशास्त्रावर आधारित असून, ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)