आजपासून संपूर्ण महिना ‘या’ पाच राशी कमावणार दुप्पट पैसा अन् मानसन्मान; सूर्य-मंगळ अन् ‘या’ ग्रहांचे गोचर घेऊन येणार सुवर्णकाळ

तसेच देवगुरू बृहस्पती संपूर्ण महिना मिथुन आणि पुनर्वसु नक्षत्रामध्ये राहतील. शनी मीन राशीत वक्री अवस्थेत आणि उत्तराभाद्रपद नक्षत्रामध्ये गोचर करेल. केतू सिंह राशीसह पूर्वाफाल्गुनी नक्षत्रात राहतील. तसेच राहू कुंभ राशीसह पूर्वाफाल्गुवू नक्षत्रात विराजमान असेल. या ग्रहांचे राशी परिवर्तन आणि नक्षत्र परिवर्तन १२ पैकी काही राशींच्या व्यक्तींसाठी अत्यंत अनुकूल सिद्ध होईल.

‘या’ पाच राशींचे भाग्य उजळणार

वृषभ (Vrushabh Rashi)

सप्टेंबर महिना वृषभ राशीच्या व्यक्तींसाठी खूप उत्तम असेल. या दिवशी केलेली कामे पूर्ण होतील. आकस्मिक धनलाभ होईल. करिअरमध्ये चांगला बदल पाहायला मिळेल; तसेच अडकलेले पैसे परत मिळतील. अडकलेली कामेही पूर्ण होतील. तुमचा आत्मविश्वास वाढेल. आयुष्यात सुख-समृद्धी वाढेल. आरोग्याच्या समस्याही नाहीशा होतील. पौर्णिमेचा दिवस तुमच्यासाठी आनंदाचा असेल.

सिंह (Singh Rashi)

सप्टेंबर महिन्यातील ग्रहांचे गोचर सिंह राशीच्या लोकांसाठीही खूप लाभकारी असेल. कामाच्या ठिकाणी वरिष्ठांची आणि सहकाऱ्यांचीही मदत प्राप्त होईल, पगारवाढ होईल. घरात शुभ कार्ये होतील. वैवाहिक आयुष्यदेखील सुखमय असेल. या काळात भाग्य तुमच्या बाजूने असेल. शत्रू तुमच्या वाटेला जाणार नाहीत. व्यवसायात आकस्मिक धनलाभ होतील.

तूळ (Tula Rashi)

तूळ राशीसाठीही या महिन्यातील ग्रहांचे गोचर दिवस खूप खास असेल. या दिवशी तुमच्या आयुष्यात आनंदी आनंद येईल, तणावमुक्त व्हाल. आयुष्यात मानसिक शांती मिळेल. कुटुंबातील व्यक्तींची मदत होईल. आकस्मिक धनलाभ होईल. नोकरीत पदोन्नती मिळण्याची दाट शक्यता आहे. नवीन गोष्टी शिकण्याची संधी मिळेल. वरिष्ठांची मदत मिळेल. विद्यार्थ्यांसाठीही हा उत्तम काळ आहे.

धनु (Dhanu Rashi)

धनु राशीच्या व्यक्तींसाठीही सप्टेंबरमधील ग्रहांचे गोचर अनुकूल असेल. या लोकांच्या आयुष्यात भौतिक सुखात वाढ होण्याची शक्यता आहे. या काळात भाग्याची पुरेपूर साथ मिळेल. त्यामुळे आजपर्यंत जे अशक्य वाटत होते, ते शक्य करून दाखवाल. गुंतवणूक करणे फायद्याचे ठरेल. आर्थिक परिस्थिती उत्तम राहील आणि कुटुंबात आनंदाचे वातावरण असेल.

कुंभ (Kumbha Rashi)

कुंभ राशीच्या लोकांसाठीही सप्टेंबर महिना आनंदात जाईल. या काळात अनेक आनंदी वार्ता कानी पडतील, उत्पन्नाचे नवे मार्ग सापडतील. आर्थिक चणचण भासणार नाही. या राशीच्या व्यापाऱ्यांनाही अनेक आर्थिक लाभ होतील. तुम्ही नवे वाहन, घर, जमीन खरेदी करू शकता. सगळीकडे तुमचे वर्चस्व असेल.

(टीप: वरील लेख प्राप्त माहितीवर आधारित आहे.)