वैदिक ज्योतिषशास्त्रानुसार प्रत्येक ग्रह एकाविशिष्ट कालखंडात गोचर करून अनेक शुभ आणि अशुभ योग निर्माण करतात. ज्याचा परिणाम मानवी जीवनावर आणि जगावर दिसून येतो. अशातच शनिदेवाने आपल्या मूळ त्रिकोण कुंभ राशीत प्रवेश केला आहे. त्यामुळे शश महापुरुष राजयोग निर्माण झाला आहे. या राजयोगाचा प्रभाव सर्व राशीच्या लोकांवर दिसून येणार आहे. परंतु अशा ३ राशी अशा आहेत, ज्यांच्यासाठी हा राजयोग अचानक आर्थिक धनलाभ देणारा ठरु शकतो. त्या ३ भाग्यवान राशी कोणत्या आहेत ते जाणून घेऊया.
तूळ –
शश महापुरुष राजयोग तूळ राशीच्या लोकांसाठी फायदेशीर ठरू शकतो. कारण शनिदेव तुमच्या राशीतून पाचव्या स्थानी भ्रमण करत आहेत. त्यामुळे या काळात तुमच्या व्यवसायाशी संबंधित असणारे लोक चांगले काम करतील, ज्यामुळे तुमची आर्थिक स्थिती मजबूत होऊ शकते तसाच तुमचा आदर देखील वाढू शकतो. प्रियजनांशी परस्पर समंजसपणा वाढू शकतो तर परदेशात राहणाऱ्या नातेवाईकांकडून चांगली बातमी मिळण्याची शक्यता आहे. नोकरदारांची करिअरमध्ये चांगली प्रगती होऊ शकते, तसेच ते आपली कामेही वेळेवर पूर्ण करु शकतात. तुम्हाला प्रेम प्रकरणातही यश मिळण्याची शक्यता आहे.
कुंभ –
कुंभ राशीतील लोकांना शनिदेवाचे गोचर अनुकूल ठरू शकते. कारण शनिदेव तुमच्या लग्न स्थानी शश महापुरुष राजयोग बनवत आहेत. त्यामुळे या काळात तुमचा आत्मविश्वास वाढू शकतो. तसेच तुम्हाला मोठा आर्थिक लाभ होण्याची शक्यता आहे. शिवाय या काळात तुमचे मोठ्या लोकांशी संबंध तयार होऊ शकतात. कौटुंबिक वातावरण चांगले राहू शकते. नशिबाची साथ मिळाल्याने रखडलेली कामे पूर्ण होण्याचीही शक्यता आहे.
वृषभ –
हेही वाचा- ५० वर्षांनी जुळून आला महाकेदार राजयोग, ‘या’ राशींचे नशीब पालटणार? बलाढ्य धनलाभ होण्याची शक्यता
वृषभ राशीच्या लोकांसाठीशश शश महापुरुष राजयोग फायदेशीर ठरू शकतो. कारण शनिदेव तुमच्या राशीतून दहाव्या स्थानी भ्रमण करत आहेत. तसेच, ते नवव्या स्थानाचे स्वामी आहेत. या काळात तुमची करिअर आणि व्यवसायात प्रगती होण्याची शक्यता आहे. दुसरीकडे, या कालावधीत नवीन व्यवसाय सुरू करण्याचा विचार करणाऱ्यांना चांगल्या संधी मिळू शकते. नोकरदारांना प्रमोशन आणि इच्छित ठिकाणी बदली मिळू शकते. यासोबतच समाजात तुमचा मान-सन्मान वाढू शकतो. या काळात तुम्ही धार्मिक आणि सामाजिक कार्यातही सहभागी होण्याची दाट शक्यता आहे.
(टीप: वरील लेख हा प्राप्त माहितीवर आधारित आहे)
