Horoscope Today In Marathi, 26 July 2025 : आज २६ जुलै २०२५ रोजी श्रावण महिन्याच्या शुक्ल पक्षातील द्वितीया तिथी आहे. द्वितीया तिथी रात्री १० वाजून ४३ मिनिटांपर्यंत असणार आहे. सकाळी ४ वाजून ६ मिनिटांपर्यंत व्यतीपात योग जुळून येईल. दुपारी ३ वाजून ५२ मिनिटांपर्यंत आश्लेषा नक्षत्र जागृत असणार आहे. आज राहू काळ ९ वाजता सुरु होईल ते १०:३० पर्यंत असणार आहे. त्याचप्रमाणे आज पहिला श्रावणी शनिवार असणार आहे. या दिवशी हनुमानाची व शनीची पूजा केल्याने इच्छित फळ मिळते असे मानले जाते. तर आज हनुमानाची व शनी देव तुम्हाला कसा आशीर्वाद देणार जाणून घेऊया…
२६ जुलै २०२५ पंचांग व राशिभविष्य (Today Horoscope In Marathi, 26 July 2025)
आजचे मेष राशिभविष्य (Aries Horoscope In Marathi)
घरातील ज्येष्ठांचा सल्ला घ्यावा. वेळ हे सर्व गोष्टींवर औषध ठरेल. व्यापारातील फायदा भरून काढावा. वैवाहिक जीवन उत्तम राहील. आनंदाचा गुणाकार होईल.
आजचे वृषभ राशिभविष्य (Taurus Horoscope In Marathi)
नवीन कामात हात घालावा. जमिनीच्या कामात यश येईल. मैत्रीचे संबंध जपावेत. मानसिक समाधान लाभेल. दिवस हास्य-विनोदात जाईल.
आजचे मिथुन राशिभविष्य (Gemini Horoscope In Marathi)
कौटुंबिक समस्या सोडवाल. मुलांसाठी खरेदी कराल. जोडीदाराबरोबर सौख्याचा अनुभव घ्याल. हातातील कामे सुरळीत पार पडतील. वेळेचा अपव्यय टाळावा.
आजचे कर्क राशिभविष्य (Cancer Horoscope In Marathi)
नवीन ओळखीतून कामे होतील. काही गोष्टी लपवण्याचा प्रयत्न कराल. मानसिक अस्थिरता जाणवेल. आपलेच खरे करण्याचा प्रयत्न कराल. मत अधिक स्पष्टपणे मांडाल.
आजचे सिंह राशिभविष्य (Leo Horoscope In Marathi)
मित्रांचा सल्ला उपयोगी ठरेल. कामात काही बदल करावे लागतील. जोडीदाराची साथ मिळेल. कौटुंबिक वातावरण आनंदी राहील. मन प्रसन्न राहील.
आजचे कन्या राशिभविष्य (Virgo Horoscope In Marathi)
कौटुंबिक ताण हलका करावा. कामाच्या ठिकाणी प्रशंसा होईल. दिनक्रम व्यस्त राहील. गोड बोलून कामे करून घ्यावीत. आदर, आपुलकी कायम ठेवावी.
आजचे तूळ राशिभविष्य (Libra Horoscope In Marathi)
घरातील कामात व्यस्त राहाल. व्यावसायिक विरोधकांना कृतीतून उत्तर द्याल. शांत राहून विचार करावा. कोणताही निर्णय घाईगडबडीत घेऊ नका. वैयक्तिक मतभेद बाजूला सारावेत.
आजचे वृश्चिक राशिभविष्य (Scorpio Horoscope In Marathi)
जि‍भेवर ताबा ठेवावा, अन्यथा मन खिन्न होऊ शकते. करियर संबंधी स्पष्ट विचार ठेवावा. दिवसाचा उत्तरार्ध चांगला जाईल. नवीन ओळखी लाभदायक ठरतील.
आजचे धनू राशिभविष्य (Sagittarius Horoscope In Marathi)
मुलांची बाजू समजून घ्यावी. खेळकर वृत्तीने वागावे. घरातील वातावरण प्रसन्न ठेवण्याचा प्रयत्न करावा. कामात बढतीचा योग आहे. मानसिक संतुलन राखावे.
आजचे मकर राशिभविष्य (Capricorn Horoscope In Marathi)
आर्थिक बाबीत जागरूक राहावे. महत्त्वाचे व्यवहार करताना सावध रहा. नोकरदारांनी नवीन योजना आखाव्यात. प्रवास सावधानतेने करावेत. धार्मिकतेकडे ओढ वाढेल.
आजचे कुंभ राशिभविष्य (Aquarius Horoscope In Marathi)
अधिकार्‍यांच्या सल्ल्यानेच वागावे. कुटुंबात मन रमेल. नवीन मित्र जोडण्याचा प्रयत्न करावा. उत्तम कार्यशैलीमुळे कौतुक केले जाईल. प्रवास पुढे ढकलावा.
आजचे मीन राशिभविष्य (Pisces Horoscope In Marathi)
सकारात्मक विचारसरणीचा उपयोग होईल. मानसिक ताण कमी होईल. विश्वासाने कार्य करत राहावे. दिवस धावपळीत जाईल. जोडीदाराचा उत्तम सहवास मिळेल.
ज्योतिषी विद्याधर करंदीकर
