Surya Nakshatra Gochar 2025: ज्योतिषशास्त्रानुसार प्रत्येक ग्रहाचे काही निश्चित कालावधीनंतर राशी परिवर्तन होते; ज्याचा प्रभाव १२ राशींच्या व्यक्तींवर पाहायला मिळतो. ज्योतिषशास्त्रानुसार सूर्य प्रत्येक महिन्यात राशी परिवर्तन आणि नक्षत्र परिवर्तन करतो. ज्योतिषशास्त्रात सूर्याला आत्मा आणि पित्याचा कारक ग्रह मानला जातो. ज्या व्यक्तीच्या कुंडलीत सूर्य मजबूत असतो, त्या व्यक्तीला आयुष्यात भरपूर यश, सुख, पद-प्रतिष्ठा, मान-सन्मान प्राप्त होतो. इतर ग्रहांप्रमाणेच सूर्यदेखील ठराविक काळानंतर राशी परिवर्तन करतो. सूर्याच्या परिवर्तनामुळे १२ राशींच्या व्यक्तींच्या आयुष्यात विविध बदल आपल्याला पाहायला मिळतात. दरम्यान, २०२५ हे वर्ष संपण्यासाठी ४ महिने राहिले असून वर्षाच्या शेवटी सूर्याचे नक्षत्र परिवर्तन होईल. ज्यामुळे नव्या वर्षाची सुरूवात काही राशींच्या लोकांसाठी लाभदायी सिद्ध होईल.
पंचागानुसार, २९ डिसेंबर २०२५ रोजी सकाळी ६ वाजून ३७ मिनिटांनी सूर्य पूर्वाषाढा या नक्षत्रामध्ये प्रवेश करणार असून या नक्षत्राचा स्वामी शुक्र ग्रह आहे. सूर्याचे हे नक्षत्र परिवर्तन २०२६ वर्षाची सुरूवात या राशींसाठी लाभदायी ठरेल.
२०२६ ची सुरूवात या राशींना करणार मालमाल
वृषभ (Vruschik Rashi)
वृषभ राशीच्या व्यक्तींना सूर्याचा पूर्वाषाढा नक्षत्रातील प्रवेश अत्यंत शुभ सिद्ध होईल. या नक्षत्रातील प्रवेशाने वृषभ राशीच्या नव्या वर्षाची सुरूवात लाभदायी ठरेल. या काळात तुम्हाला काम आणि व्यवसायात प्रचंड यश मिळेल आणि उत्पन्नात प्रचंड वाढ होईल. तसेच, बेरोजगार लोकांना यावेळी नवीन नोकरी मिळू शकते. त्याचबरोबर नोकरदार लोकांना प्रमोशन मिळू शकते. तसेच, यावेळी, तुमच्या वडिलांबरोबरच्या नातेसंबंधात सुधारणा होईल.
सिंह (Singh Rashi)
वर्षाच्या शेवटी होणार सूर्याचे नक्षत्र परिवर्तन सिंह राशीच्या व्यक्तींना विशेष लाभदायी असेल. या राशी परिवर्तनामुळे आकस्मिक धनलाभ होतील. या काळात अडकलेली कामे पूर्ण होतील. तुमचा आत्मविश्वास वाढेल. या काळात अनेक भौतिक सुखे प्राप्त होतील. नव्या वस्तू खरेदी करू शकाल. आयुष्यात सुख-समृद्धी वाढेल. कुटुंबीयांसोबत प्रवास घडेल. नोकरीत पदोन्नती मिळण्याची दाट शक्यता आहे.
तूळ (Tula Rashi)
तूळ राशीच्या व्यक्तींना सूर्याचे नक्षत्र परिवर्तन खूप लाभदायी ठरले. हे नक्षत्र परिवर्तन तुमच्यासाठी खूप फायदेशीर ठरेल. वर्षाच्या शेवटी होणारे हे परिवर्तन तुमच्या नव्या वर्षाची सुरूवात अत्यंत लाभदायी करेल. या काळात तुमच्या उत्पन्नात प्रचंड वाढ होईल. तसेच उत्पन्नाचे नवीन स्रोत निर्माण होऊ शकतात. तुमची आर्थिक स्थिती पूर्वीपेक्षा चांगली होईल आणि तुम्ही जमीन आणि वाहन खरेदीच्या दिशेने वाटचाल कराल. जर तुम्हाला गुंतवणूक करायची असेल तर तुम्हाला चांगला नफा मिळेल.
(टीप: वरील लेख प्राप्त माहितीवर आधारित आहे.)
