Vaishakh Purnima 2025: वैशाख पौर्णिमेला ‘बुद्ध पौर्णिमा’ का म्हटले जाते? जाणून घ्या पौर्णिमेचे महत्त्व, शुभ मुहूर्त आणि तिथी

वैशाख पौर्णिमा तिथी

पंचांगानुसार वैशाख पौर्णिमेची तिथी ११ मे रोजी रात्री ८ वाजून २ मिनिटांनी सुरू होणार असून १२ मे रोजी रात्री १० वाजून २४ मिनिटांनी समाप्त होईल. उदयतिथीनुसार १२ मे रोजी पौर्णिमेचे व्रत, पूजा, उपासना केली जाईल.

वैशाख पौर्णिमा शुभ मुहूर्त

वैशाख पौर्णिमेला नदीमध्ये स्नान, गरजू व्यक्तीला दान केल्याने अक्षय पुण्याची प्राप्ती होते. या दिवशी स्नानासह दानधर्म करण्याचेही महत्त्व आहे. तसेच या दिवशी अभिजात मुहूर्त ११ वाजून ५२ मिनिटांपासून ते १२ वाजून ४६ मिनिटांपर्यंत असेल. या काळात जप, पूजा-आराधना करणे लाभदायी मानले जाईल. या दिवशी अनेक घरांमध्ये श्री सत्यनारायणांची पूजा, कथेचे वाचनही केले जाते.

वैशाख पौर्णिमेला बुद्ध पौर्णिमा का म्हटले जाते?

वैशाख महिन्याच्या पौर्णिमा तिथीला श्री विष्णूंचा नववा अवतार मानले जाणाऱ्या गौतम बुद्धांचा जन्म झाला होता. तसेच याच पौर्णिमेला गौतम बुद्धांना बुद्धत्वाची प्राप्ती झाली होती, त्यामुळे वैशाख पौर्णिमेला बुद्ध पौर्णिमा नावानेही ओळखले जाते.