05 April 2020

News Flash

करोनाच्या वातावरणात आरोग्य विमा विकण्याची सूचना

बँक ऑफ महाराष्ट्र व्यवस्थापकांच्या पत्राने आश्चर्य

बँक ऑफ महाराष्ट्र व्यवस्थापकांच्या पत्राने आश्चर्य

लोकसत्ता खास प्रतिनिधी

औरंगाबाद : एका बाजूला करोनाचे भय दाटलेले असताना  बँक ऑफ महाराष्ट्रच्या प्रमुखांनी व्यवस्थापकांना आरोग्यविमा विकण्याची हीच सुवर्णसंधी असल्याचे कळविले आहे. त्यांच्या या सूचनांमुळे आश्चर्य व्यक्त होत आहे. तसेच साथरोग पसरलेला असताना गर्दी चुकवून बँकेत येणाऱ्या माणसाला विम्याचे महत्त्व पटवून सांगावे आणि आरोग्यविम्याचे उद्दिष्ट गाठता येईल का, यासाठी २१ मार्चपर्यंत विशेष प्रयत्न करावेत, असे कळविणे एका अर्थाने अतिरेक असल्याचे मत व्यक्त होत आहे.

करोनामुळे साथरोगांबाबत जागृती होत आहे. अशा काळातच आरोग्य विमा विकण्याची संधी असल्याचे सांगत युनायटेड इंडिया, महास्वास्थ्य योजना, यूएनआय सिटी केअर पॉलिसी यासह विविध प्रकारच्या विम्याची रक्कम भरून घेण्यासाठी प्रोत्साहन द्यावे. या क्षेत्रातील बँकांची कामगिरी तशी चांगली नसल्याचा उल्लेख करून विमा काढण्यासाठी चार दिवस जोरदार प्रयत्न करावेत अशा सूचना व्यवस्थापकीय संचालक एम.जी. महाबळेश्वरकर यांनी दिल्या आहेत.

या अनुषंगाने ऑल इंडिया बँक ऑफ महाराष्ट्र एम्प्लॉइज फेडरेशनचे सरचिटणीस देविदास तुळजापूरकर म्हणाले, ‘सध्या सर्वसामान्य माणसांच्या मनात भय आहे. अशा वेळी त्याला अडवून  विमा विकत घे, असे म्हणणेच चुकीचे आहे. एरवी हे काम सहजपणे करता आले असते. पण आता विमा घेण्याविषयी किंवा ते काढावा यासाठी समुपदेशन करणे म्हणजे अतिरेकच ठरेल.’ बँकेत येणाऱ्या कर्मचाऱ्यांना ग्राहकांच्या गर्दीत पुरेशी काळजी घेणेही दिवसेंदिवस अवघड बनलेले आहे. आरोग्याची आणीबाणी निर्माण झालेल्या काळात विमा विका, अशी  सूचना करणारे पत्र मागे घ्यावे, अशी विनंती बँकेच्या नियोजन व्यवस्थापकांकडे केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2020 3:38 am

Web Title: bank of maharashtra manager instructions for selling health insurance in corona environment zws 70
Next Stories
1 औरंगाबाद हादरलं; मुलीला पळवल्याच्या संशयातून तरुणाच्या भावाची गळा चिरून हत्या
2 करोनामुळे कैद्यांच्या आहारात बदल
3 रोहित पवारांना कोर्टाची नोटीस, मतदारांना लाच दिल्याचा आरोप
Just Now!
X