02 March 2021

News Flash

औरंगाबाद : ‘अधिकाऱ्यांच्या बदल्यांची यादी व्हायरल करणार्‍यांना निलंबित करणार’

बदल्यांचे हे परिपत्रकच बोगस असल्याचा दावा पोलीस आयुक्तांनी केला आहे.

औरंगाबादचे पोलीस आयुक्त चिरंजीव प्रसाद.

पोलीस आयुक्तालयातील पोलीस निरीक्षकांच्या बदल्यांबाबतची यादी सोशल मीडियावर व्हायरल झाली होती. ही यादी बोगस असल्याचे सांगत ती व्हायरल करणाऱ्या पोलीस अधिकाऱ्यांवर कडक कारवाई करण्यात येणार असल्याचे पोलीस आयुक्त चिरंजीव प्रसाद यांनी सांगितले.

ज्या पोलीस निरिक्षकांचा शहरात पोस्टिंग होऊन तीन वर्षे पूर्ण झाली आहेत असे अधिकारी आगामी लोकसभा निवडणुकीच्या पार्श्वभूमीवर बदलीस पात्र आहेत. या अधिकाऱ्यांच्या बदल्या शहराबाहेर करण्यात येणार असून त्यासाठी त्यांनी तीन पसंतीची ठिकाणं द्यावीत, असे आवाहन व्हायरल झालेल्या पत्रकातून करण्यात आले होते. मात्र, हे परिपत्रकच बोगस असल्याचा दावा पोलीस आयुक्तांनी केला आहे.

पोलीस आयुक्त चिरंजीव प्रसाद म्हणाले, हा मेसेज कोणी व्हायरल केला याची चौकशी केली जात असून त्या अधिकार्‍यावर कडक कारवाई करण्यात येईल. आगामी निवडणुकांच्या पार्श्वभूमीवर शहरातील पोलीस अधिकार्‍यांच्या बदल्या होतील, त्याचे काम सुसुत्र पध्दतीने सुरु आहे. या संदर्भात अजूनही पोलीस महासंचालकांशी चर्चा सुरु आहे. त्यावर अद्याप अंतिम आदेश आलेले नाहीत.

मात्र, तरीही अचानक अशी यादी सोशल मिडीयावर प्रसिद्ध झाल्याने माझ्यासहित सर्वच अधिकारी संभ्रमात पडले आहेत. हा गंभीर प्रकार असून याला कारणीभूत असणाऱ्याची कोणाचीही गय केली जाणार नाही, असे पोलीस आयुक्त प्रसाद यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2019 1:56 pm

Web Title: person will be suspended who viral the list of transfers of police inspectors says aurangabad police commissioner
Next Stories
1 फेब्रुवारीमध्ये दुष्काळग्रस्तांना मदत
2 प्रामाणिकपणा! सफाई कामगारांनी कचऱ्याच्या ट्रकमधून महिलेला शोधून दिले मंगळसूत्र
3 एटीएसकडून आणखी एकास अटक
Just Now!
X