scorecardresearch

Premium

प्रवाशांसाठी खुशखबर! बाईक टॅक्सी अन् रिक्षानंतर आता रॅपीडोची ‘ही’ सेवा होणार सुरु; जाणून घ्या…

भारतामधील शंभरहून अधिक शहरांमध्ये रॅपीडोची बाईक टॅक्सी, रिक्षाची सेवा उपलब्ध असून, त्यांनी आता आणखी एक नवीन सेवा बाजारात आणली आहे. त्याबद्दल थोडी माहिती घेऊ.

Rapido's new cab service news
रॅपीडो कंपनीने बाईक टॅक्सी अन् रिक्षानंतर, आता कॅब सेवादेखील सुरु केली आहे. [photo credit – Freepik]

प्रवाशांना परवडणाऱ्या बाईक टॅक्सी आणि रिक्षा सेवेनंतर आता रॅपीडोने नुकतेच, ‘रॅपीडो कॅब्स’ची सेवा सुरू केलेली आहे. सध्या तरी या कॅब्सची सेवा, दिल्ली, बंगळुरू आणि हैद्राबाद या शहरांमध्ये सुरू करण्यात आली आहे. बाईक टॅक्सीमध्ये ६० टक्के मार्केट शेअर असलेल्या रॅपीडोने आता एक लाख गाड्यांसोबत कॅब सेवासुद्धा सुरू केलेली आहे.

या कॅब्सच्या चालकांकडून कोणतेही कमिशन ही कंपनी घेणार नसल्याचे समजते. असे असले तरीही, रॅपीडोच्या चालकांना किमान सबस्क्रीप्शन फी भरावी लागणार आहे. रॅपीडो अॅपचा वापर करून जेव्हा कॅबचालक १० हजार रुपये कमावेल तेव्हा त्याला त्यावर ५०० रुपये इतकी सबस्क्रीप्शन फी भरावी लाभणार आहे, असे या कंपनीने सांगितले आहे.

flipkart's huge offer on iphone 15
ग्राहकांसाठी खुशखबर! iPhone वर मिळत आहे ‘इतक्या’ हजारांची सूट; काय आहे नेमकी ऑफर जाणून घ्या…
Selection of Pune for Metropolitan Survey Center by Central Government  Pune news
साथरोगांचा धोका आता वेळीच समजणार! केंद्र सरकारकडून पुण्याची महानगर सर्वेक्षण केंद्रासाठी निवड
Siggi a company is offering $10000 if you can stay off your phone for a month here's how to apply
महिनाभर मोबाईल फोनशिवाय राहून दाखवा आणि कमवा ८ लाख रुपये; ‘या’ कंपनीची भन्नाट ऑफर
Direct listing of Indian companies allowed abroad economic news
भारतीय कंपन्यांना परदेशात थेट सूचिबद्धतेला परवानगी

हेही वाचा : मारुतीची ‘ही’ लोकप्रिय कार येणार नव्या रूपात! पाहा कोणते होणार महत्त्वपूर्ण बदल….

“देशभरात आमच्या बाईक, टॅक्सी आणि रिक्षा सेवेला मिळालेला प्रचंड प्रतिसाद पाहून आता ही नवीन कॅब सेवा सुरू करण्यासाठी आम्ही प्रचंड उत्सुक आहोत. आमच्या SaaS आधारित प्लॅटफॉर्ममुळे जी कमिशन पद्धत आहे, त्यामध्ये बदल घडून आले आहेत. यामध्ये ड्रायव्हरकडून कमिशन घेण्याऐवजी, त्यांच्याकडून केवळ सॉफ्टवेअर वापर करण्याची फी आकारली जाईल. ज्यामुळे, या उद्योगामध्ये फार मोठा बदल होऊ शकतो”, असे काहीसे रॅपीडोचे सह संस्थापक पवन गुंटूपल्ली म्हणतात.

“ग्राहकांचा, प्रवाशांचा विचार करूनच या सेवांचे दर ठरवले असल्यामुळे, ही सेवा प्रत्येकालाच अगदी सहज परवडणारी आहे”, असे देखील पवन म्हणतात.
सध्या रॅपीडोची बाईक टॅक्सी, रिक्षा आणि आता कॅब सेवा ही भारतातील १०० शहरांतून अधिक शहरांमध्ये उपलब्ध आहे.

Latest Comment
View All Comments
Post Comment

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: After bike taxi and auto rickshaw rapido launches new cab service with zero commission from drivers dha

First published on: 06-12-2023 at 19:52 IST

संबंधित बातम्या

तुम्ही या बातम्या वाचल्या आहेत का? ×