scorecardresearch

Premium

Bajaj कडून ‘या’ इलेक्ट्रिक स्कूटरच्या किंमतीत तब्बल २२ हजारांची कपात, जाणून घ्या नवी किंमत आणि फीचर्स

भारतात सध्या इलेक्ट्रिक स्कूटर्सची मागणी वाढली आहे. अशातच अधिकाधिक ग्राहकांना आकर्षित करण्यासाठी बजाजने त्यांच्या इलेक्ट्रिक स्कूटरच्या किंमतीत कपात केली आहे.

Bajaj Chetak electric scooter
बजाजची इलेक्ट्रिक स्कूटर (PC : chetak.com)

इलेक्ट्रिक वाहनांवर सरकारडून फेम-२ ही सबसिडी दिली जाते. परंतु, अलिकडेच या सबसिडीत सरकारने कपात केली आहे. परिणामी इलेक्ट्रिक वाहनं महागली आहेत. असं असलं तरी इलेक्ट्रिक दुचाकी खरेदी करायचा विचार करत असलेल्या ग्राहकांसाठी एक चांगली बातमी समोर आली आहे. बजाज ऑटोने त्यांची लोकप्रिय इलेक्ट्रिक स्कूटर चेतकच्या किंमतीत २२ हजार रुपयांची कपात केली आहे. आता या स्कूटरची सुरुवातीची किंमत १.३० लाख रुपये इतकी आहे. यापूर्वी बजाज चेतक इलेक्ट्रिक स्कूटरची किंमत १.५२ लाख रुपये इतकी होती.

दरम्यान, बजाज कंपनीने या स्कूटरचं बेस व्हेरिएंट बंद केलं आहे. या स्कूटरच्या बेस व्हेरिएंटची किंमत १.२२ लाख रुपये इतकी होती. म्हणजेच आता ग्राहक या स्कूटरचे केवळ प्रीमियम एडिशनच खरेदी करू शकतात.

unique information, exhibition hall, State Excise Department
१८३९ नंतर मद्यपान करण्यासाठी १८ वर्षे वयोमर्यादा जगभरात लागू! नव्या राज्य उत्पादन शुल्क भवनातील खास दालनातील माहिती
Paytm Fastag
Paytm Fastag Deactivate कसं कराल? सहज-सोप्या पद्धती जाणून घ्या!
new india assurance recruitment 2024
नोकरीची संधी : न्यू इंडिया एश्योरन्स कंपनी लि. मधील संधी
Bank Holiday in February 2024
Bank Holiday in February 2024 : फेब्रुवारीत बँकांना सुट्ट्याच सुट्ट्या, किती दिवस बँका राहणार बंद?

कंपनीने बजाज चेतक इलेक्ट्रिक स्कूटरमध्ये 3kWh क्षमतेची लिथियम-आयन बॅटरी दिली आहे. जी 3.8kW इलेक्ट्रिक मोटरशी जोडलेली आहे. या पॉवरफुल बॅटरी आणि मोटरच्या जोरावर ही इलेक्ट्रिक स्कूटर ५.५ पीएस पॉवर जनरेट करू शकते. ही स्कूटर इको मोडवर ९५ किमी आणि स्पोर्ट मोडवर ८५ किमीपर्यंतची रेंज देते. या स्कूटरसह दिल्या जाणाऱ्या 5Amp आउटलेटद्वारे ही बॅटरी चार्ज केली तर १०० टक्के चार्जिंगसाठी ५ तास लागतात.

हे ही वाचा >> Hero Lectro ला ही विसरुन जाल, टाटाची स्वस्त इलेक्ट्रिक सायकल देशात आलीये; २.५० रुपयात धावणार ३५ किमी

चेतक इलेक्ट्रिक स्कूटरमध्ये १२ इंचांचे अलॉय व्हील्स देण्यात आले आहेत. हे दोन्ही ट्युबलेस टायर्स आहेत. तसेच या स्कूटरच्या फ्रंट-व्हीलला लीडिंग-लिंक प्रकारचं सस्पेन्शन दिलं आहे. तर बॅक व्हीलला (मागच्या चाकाला) मोनोशॉक सस्पेन्शन दिलं आहे. या स्कूटरला रिव्हर्स गियरही देण्यात आला आहे.

Latest Comment
View All Comments
Post Comment

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bajaj chetak electric scooter price drops by 22000 rupees check features range asc

First published on: 18-08-2023 at 17:38 IST

संबंधित बातम्या

तुम्ही या बातम्या वाचल्या आहेत का? ×