टाटा मोटर्स, मारुती सुझुकी, ह्युंदाई मोटर्स आणि होंडा कार्सनंतर आता फोक्सवॅगननेही सणासुदीच्या काळात आपल्या कारची विक्री वाढवण्यासाठी डिस्काउंट ऑफर जाहीर केल्या आहेत. कंपनीची ही सवलत ऑफर ३१ ऑक्टोबरपर्यंत वैध आहे, परंतु ग्राहकांच्या प्रतिक्रिया पाहिल्यानंतर कंपनी ती पुढे सुरू ठेवू शकते, अशी शक्यता आहे. फोक्सवॅगन या ऑफरमध्ये ८०,००० रुपयांपर्यंत फेस्टिव्हल डिस्काउंट देत आहे, जी Virtus आणि Taigun या दोन प्रीमियम कारवर उपलब्ध आहे. कंपनीकडून देण्यात येत असलेल्या या डिस्काउंट ऑफरमध्ये रोख सवलतीसोबतच एक्सचेंज बोनस आणि लॉयल्टी बोनसचाही समावेश करण्यात आला आहे. आणखी वाचा : ऑक्टोबर महिन्यात Renault च्या ‘या’ कार्सवर बंपर डिस्काऊंट; जाणून घ्या किती होईल बचत… Volkswagen Taigun Volkswagen Tigun वर उपलब्ध असलेली सूट ३० ते ८० हजारांपर्यंत आहे, जी त्याच्या विविध प्रकारांवर दिली जात आहे. कंपनी त्याच्या १.० लीटर इंजिन व्हेरिएंटवर ३०,००० रुपयांची सूट देत आहे, तर १.५ लिटर टर्बो पेट्रोल व्हेरिएंटवर ५५,००० रुपयांपर्यंत सूट दिली जात आहे. कंपनी १.५ लीटर टर्बो पेट्रोल व्हेरियंटवर ३०,००० रुपयांपर्यंत सूट देत आहे आणि त्याच्या टॉप स्पेस GT व्हेरियंटवर, तर कंपनी या व्हेरियंटच्या मॅन्युअल ट्रान्समिशन व्हेरिएंटवर ८०,००० रुपयांपर्यंत कमाल सूट देत आहे. Volkswagen Vertus ही एक प्रीमियम सेडान कार आहे, ज्यावर कंपनी ३०,००० रुपयांपर्यंत सूट देत आहे आणि ही सूट या कारच्या Comfortline आणि Highline व्हेरियंटवर दिली जात आहे. याशिवाय, कंपनी त्याच्या टॉप स्पेस GT ट्रिमवर १०,००० रुपयांपर्यंतचे फायदे देत आहे. टीप : फोक्सवॅगनची ही सणाची सवलत शहरानुसार बदलू शकते, त्यामुळे सवलतीच्या ऑफरद्वारे या कार खरेदी करण्यापूर्वी, कृपया या ऑफरचे तपशील मिळवण्यासाठी कंपनीच्या अधिकृत वेबसाइट किंवा जवळच्या फोक्सवॅगन डीलरशिपला भेट द्या.
