E-Motor Show मध्ये प्रदर्शित करण्यात आली 'ही' इलेक्ट्रिक कार, जाणून घ्या खासियत, किंमत अन्...| citroen showcased the citroen ec3 at the e motor show in hyderabad

ही कार भारतीय बाजारपेठेत टाटा Tiago EV आणि Tigor EV शी स्पर्धा करणार आहे.

Citroen eC3- संग्रहित छायाचित्र / फायनान्शिअल एक्सप्रेस

Citroen ही एक फ्रेंच कंपनी आहे. ही एक कार उत्पादक कंपनी आहे. Citroen कंपनी भारतीय बाजारपेठेमध्ये आपली पहिली इलेक्ट्रिक कार लॉन्च करण्याच्या तयारीत आहे. ऑल न्यू Citroen eC3 EV ने नुकतेच भारतात पदार्पण केले आहे. त्यानंतर हे मॉडेल आता हैद्राबाद ई-मोटर शो मध्ये सादर करण्यात आले होते.

Citroen India ने हैद्राबाद येथे झालेल्या ई-मोटर शो मध्ये eC3 चे सादरीकरण केले. ८ ते १० फेब्रुवारी दरम्यान हा शो हैद्राबाद येथे पार पडला. Citroen eC3 चे बुकिंग सुरु असून तुम्ही २५,००० रुपये भरून तुम्ही ही कार बुक करू शकणार आहात.

हेही वाचा : GT Battista: महिंद्राने लाँच केली जगातील सर्वात वेगवान कार; अवघ्या दोन सेकंदात मिळतो ‘इतका’ स्पीड

Citroen eC3 EV मध्ये २९.२ kWh LFP बॅटरी पॅक मिळते. ही कार एकदा चार्ज केली की, ३२० किमी धावते असा दावा करण्यात आला आहे. तसेच ही कार गल फ्रंट एक्सल-माउंट इलेक्ट्रिक मोटरसह येते जी ५६ बीएचपी पॉवर आणि १४३ एनएम पीक टॉर्क जनरेट करते. याह टॉप स्पीड हा १०७ किमी प्रतितास इतका आहे. इको आणि स्टॅंडर्ड या दोन ड्रायव्हिंग मोडसह री-जनरेशन ब्रेकिंग सिस्टीमसह येते.

Citroen India या महिन्यात त्यांच्या eC3 च्या किंमती जाहीर करू शकते. Citroen eC3 एक इलेक्ट्रिक क्रॉसओवर आहे जी हॅचबॅकच्या ICE सिरीजवर आधारित आहे. ज्याची सध्याची एक्स शोरूम किंमत ५.९८ लाख ते ८.२५ लाख रुपये आहे. Citroen eC3 ही कार भारतीय बाजारपेठेत टाटा Tiago EV आणि Tigor EV शी स्पर्धा करणार आहे.

First published on: 11-02-2023 at 14:46 IST

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Citroen showcased the citroen ec3 at the e motor show in hyderabad tmb 01

E-Motor Show मध्ये प्रदर्शित करण्यात आली ‘ही’ इलेक्ट्रिक कार, जाणून घ्या खासियत, किंमत अन्…

ही कार भारतीय बाजारपेठेत टाटा Tiago EV आणि Tigor EV शी स्पर्धा करणार आहे.