सुमो कारला पैलवानाचे नाव कसे पडले? भारतात बनलेली पहिली गाडी कोणती माहितीये का? जाणून घ्या

भारतातील पहिली कार कोणती?

भारतात, हिंदुस्थान मोटर्सने सर्वप्रथम कोलकाता येथे अॅम्बेसेडर कारचे उत्पादन सुरू केले. पण त्यावेळी त्यांना तांत्रिक बाबींमध्ये लंडनच्या मॉरिस मोटर्सची मदत घ्यावी लागली. भारतात बनलेली असूनही, लंडनच्या मॉरिस मोटर्सच्या मदतीमुळे अॅम्बेसेडर कार पूर्णपणे स्वदेशी कार नव्हती. भारतातील पहिली स्वदेशी कार टाटा समूहाने बनवली होती. टाटाने १९९८ च्या जिनिव्हा मोटर शोमध्ये आपली इंडिका कार लाँच केली होती. जी पहिली स्वदेशी कार मानली गेली आणि ही कार १९९९ मध्ये बाजारात दाखल झाली.

(हे ही वाचा : ‘या’ ५.५० लाखाच्या कारसमोर Alto-Celerio ही विसरुन जाल, बाजारात आहे तुफान क्रेझ, मायलेज ३४ किमी )

सुमो नाव कसे पडले?

टाटा सुमो कार गेंडयासारखी दिसणारी आणि अतिशय शक्तिशाली कार दिसत असल्याने म्हणूनच कारचे नाव जपानी सुमो कुस्तीपटूंच्या नावावर आहे, असे अनेकांना वाटायचे, पण असे अजिबात नाही. सुमो हा जपानमध्ये खेळला जाणारा एक पारंपरिक खेळ आहे. सुमो कारचे नाव टाटा मोटर्सचे माजी एमडी सुमंत मूळगावकर यांच्या नावावर आहे. त्याच्या पहिल्या आणि दुसऱ्या नावाची दोन अक्षरे एकत्र करून सुमोचे नाव ठेवण्यात आले.