Traffic Challan: ‘हा’ वाहतूक नियम तुम्हाला माहितीये? ९० दिवसांच्या आत चलन न भरल्यास मिळते ‘अशी’ शिक्षा

नियम न पाळल्याबद्दल चलन काढल्यास आणि वेळेवर न भरल्यास वाहतूक पोलिस किंवा वाहतूक विभाग मोठी कारवाई करेल. जर तुम्ही तुमच्या वाहनाचे किंवा दुचाकीचे चलन वेळेवर जमा केले नाही, तर ९० दिवसांनंतर, म्हणजे चलन कापल्याच्या तारखेपासून तीन महिन्यांनंतर, तुमचे वाहन वाहन पोर्टलवर ‘नॉट टू बी ट्रान्झॅक्‍टड’ श्रेणीत टाकले जाईल.

चलन न भरल्यास वाहन पोर्टलशी संबंधित परिवहन विभागाच्या सर्व सेवा ब्लॉक केल्या जातील. या सेवांमध्ये वाहन फिटनेस तपासणी, प्रदूषण तपासणी, वाहन हस्तांतरण आणि पत्ता बदल यांचा समावेश आहे. या सेवा पुन्हा सुरू करण्यासाठी, चलन भरावे लागेल.

(हे ही वाचा : मारुती अन् टाटानंतर आता ‘या’ कंपनीचा ग्राहकांना दणका, गाडीच्या किमती वाढणार; स्वस्तात कार खरेदीची संधी कधीपर्यंत? )

प्रलंबित चलनात लक्षणीय वाढ झाली असून, ही बाब लक्षात घेऊन ही कडक कारवाई करण्यात येत असल्याचे विभागाच्या अधिकाऱ्यांनी सांगितले. खरंतर हा नियम पूर्वीपासून होता. पूर्वी हे काम मॅन्युअल होते, ज्यात खूप वेळ लागत होता. पण आता ते स्वयंचलित होईल. हा निर्णय म्हणजे वाहनचालकांना रस्त्यावरील नियमांचे पालन करून वेळेवर चलन भरण्याचा इशारा आहे. तसे न केल्यास त्यांना अनेक समस्यांना सामोरे जावे लागू शकते.

आतापर्यंत ६ हजारांहून अधिक जणांवर कारवाई

या निर्णयानंतर आतापर्यंत ६,००० हून अधिक वाहने ‘नॉट टू बी ट्रान्झॅक्शन’ श्रेणीत टाकण्यात आली आहेत. या वाहनांच्या चालकांना चलन भरल्यानंतरच या सेवा पुन्हा सुरू करण्याची परवानगी दिली जाईल. अधिकाऱ्यांनी सांगितले की, GRAP संबंधित निर्बंधांचे उल्लंघन करून यापैकी अनेक वाहनांना गेल्या वर्षी चालना देण्यात आली होती. वाहतूक पोलिसांकडूनही चलन न भरण्यासंबंधीची माहिती गोळा केली जात आहे. वाहतूक पोलिसांकडे अशी अनेक चालन आहेत जी बऱ्याच दिवसांपासून जमाच झालेली नाहीत.