रात्रीच्या वेळी कुत्रे तुमच्या बाईकच्या मागे धावतात? मग ‘ही’ ट्रिक करुन पाहाच, कधीच मागे लागणार नाहीत!

बाईकच्या मागे कुत्रे का धावतात?

जेव्हा तुमच्या बाईकचा वेग जास्त असतो तेव्हाच असे घडते. बाईकचा वेग पाहून कुत्र्यांना बाईकपेक्षा वेगाने धावण्याची इच्छा जागृत होते. त्यामुळे वेगाने धावणाऱ्या बाईकमागे ते भुंकत धावत सुटतात. वास्तविक, जेव्हा एखादी बाईक भरधाव वेगाने कुत्र्यांच्या जवळून जाते, तेव्हा कुत्रे भडकतात आणि भुंकायला लागतात. म्हणून, जर तुम्हाला कुत्र्यांनी रात्रीच्या वेळी तुमच्या दुचाकीवर भुंकावे असे वाटत नसेल, तर त्यावेळी आपल्या बाईकचा वेग कमी करा.  हे तुमच्यासाठी फायद्याचे आहे. अन्यथा अपघात होऊ शकतो.

(हे ही वाचा : खरंच कार आणि बाईकचे मायलेज वाढवणारे कोणतेही उपकरण आहे का? जाणून घ्या यामागील सत्य )

‘ही’ ट्रिक वापरा

बाईक चालवताना सर्वप्रथम तुमच्या गाडीचा वेग कमी करा. गाडीचा वेग कमी केल्याने कुत्रा तुमच्या गाडीच्या मागे धावणार नाही. जर दुचाकीचा वेग कमी करूनही कुत्रा भुंकत असेल आणि चावण्याचा प्रयत्न करत असेल, तर घाबरू नका आणि बाईकचा वेग वाढवू नका, कारण, अशावेळी अचानक वेग वाढवल्याने अपघात होऊ शकतो. अशावेळी बाईक थांबवून कुत्र्यांना थोडा घाबरवण्याचा प्रयत्न करा. यानंतर, हळूहळू दुचाकी पुढे सरकवा आणि तिथून निघून जा. असे केल्यास कुत्रा तुम्हाला चावणार नाही आणि तुम्ही सुरक्षितपणे तेथून निघून जाऊ शकता.