फुलपाखरे जैवविविधतेत आणि परागीभवनात महत्त्वाची भूमिका बजावतात. फुलपाखराचं विशिष्ट अन्नझाड ठरलेलं असतं. ती एकाच वर्गातील अन्नझाडे सोडून अन्य वर्गातील अन्नझाडांवर अंडी घालत नाहीत. प्राणी-पक्षी यांची विष्ठा, जीवनक्षार, मलमूत्र हेही फुलपाखरांचं खाद्य आहे. फुलपाखरांचं आयुष्य खूप कमी असतं. काही फुलपाखरांचे आयुष्य ३ ते ४ दिवस तर काही फुलपाखरांचे आयुष्य १ वर्ष असते. भारतात सुमारे १५०० प्रकारची फुलपाखरे आढळतात. काही फुलपाखरे ताशी ४५ किलोमीटर वेगानेही उडू शकतात.