साहित्य : मोठा टेट्रापॅक, कटर, कागदाचा लगदा आणि अॅक्रॅलिक कलर ब्रश कृती : टेट्रापॅकचा वरचा भाग कटरच्या साहाय्याने कापून घ्या. टेट्रापॅक आतून स्वच्छ धुऊन घ्या. टेट्रापॅकला बाहेरून चारही बाजूने व खालच्या बाजूने कागदाचा लगदा लावा. त्याचा आकार तसाच राहण्यासाठी टेट्रापॅकच्या आतमध्ये कागदाचे बोळे घाला व उन्हात वाळवत ठेवा. तो पूर्णपणे वाळल्यावर खर- कागदाने अलगद घासा व अॅक्रॅलिक रंगाने रंगवा. झाला तुमचा फ्लॉवरपॉट तयार. त्यात तुम्हाला आवडतील ती फुले ठेवा. लगदा तयार करण्याची कृती : कागदाचे बारीक तुकडे करून एका बाऊलमध्ये पाण्यात भिजत ठेवा. लगदा करते- वेळी कागदातले पाणी काढून मिक्सरमध्ये फिरवून घ्या व त्यात फेविकॉल आणि व्हायटनीश पावडर घालून छान मळून घ्या. गौरी केतकर ketkargauri@gmail.com
