BMC election 2017: मतदार यादीत नाव नसल्यामुळे वरुण धवन नाराज

मुंबईतील एका मतदान केंद्रावर मत नोंदवण्यासाठी गेलेल्या अभिनेता वरुण धवनला मतदान न करताच परतावे लागले आहे. मतदार यादीत नाव नसल्यामुळे त्याला मतदानाचा हक्क बजावता आलेला नाही. ‘हा सर्व प्रकार विचित्र आहे. मतदार यादीत माझे नावच नाहीये. असे म्हणत वरुणने त्याची नाराजी व्यक्त केली आहे. वरुणप्रमाणेच अभिनेते प्रदीप वेंगुर्लेकर यांनाही त्यांचा मतदानाचा हक्क बजावता आलेला नाही. मतदार यादीत नाव नसल्यामुळे त्यांना मतदान करता आलेले नाही आणि त्याबद्दल त्यांनी खंतसुद्धा व्यक्त केली आहे.

My name has not shown up in the list unfortunately,its bizarre because I voted last year.Will find out from EC where is my name:Varun Dhawan pic.twitter.com/k7KPlZuY1G

— ANI (@ANI) February 21, 2017

Varun Dhawan arrived to cast his vote at a polling booth in Mumbai, says "upsetting that I couldn't find my name on the voter list" pic.twitter.com/9mw7kWLKXl

— ANI (@ANI) February 21, 2017

दरम्यान, मतदारांना निवडणुक विभागाकडून वाटप करण्यात आलेल्या ‘व्होटर स्लिप’वर मतदान केंद्राचा क्रमांक नसल्याने मतदारांचे हाल झालेले पाहायला मिळत आहेत. मुंबईतील चारकोप भागात असा प्रकार घडल्याची माहिती समोर आली आहे. व्होटर स्लिपवर मतदान केंद्राचा क्रमांक नसल्याने अनेक मतदारांना आपले मतदान केंद्र शोधताना त्रास सहन करावा लागत आहे. काही मतदान केंद्रांबाहेर निवडणुक विभागाचे अधिकार माहिती देण्यासाठी उपलब्ध नसल्याचे समजते. पालिकेच्या निवडणुक विभागाच्या मतदारांची माहिती शोधण्यासाठी सुरु करण्यात आलेल्या वेबसाईटची माहिती देखील लोकांपर्यंत पोहचलीच नाही. त्यामुळे मतदार राजा संतापलेला पाहायला मिळत आहे.