अंबानी-अदाणींकडून मोदींना दोन लाख कोटींच्या गुंतवणुकीचे वचन; ‘मारुती सुझुकी’ ३५ हजार कोटींची गुंतवणूक करणार

हेही वाचाः “गुजराती असल्याचा अभिमान, ‘रिलायन्स’ ही गुजराती कंपनी”; मुकेश अंबानींचे वक्तव्य, म्हणाले, “हरित ऊर्जेत…”

अदाणी समूह कच्छमध्ये ३० गिगावॉट क्षमतेचा भव्य ग्रीन एनर्जी पार्क बांधणार आहे. हा प्रकल्प २५ चौरस किलोमीटर परिसर व्यापेल आणि अंतराळातून देखील दृष्टीस पडेल इतकी त्याची भव्यता असेल. अदाणी समूहाच्या गुंतवणुकीमुळे सुमारे १ लाख रोजगार निर्माण होतील. अदाणी समूहाने मागील परिषदेदरम्यान ५५,००० कोटींच्या गुंतवणुकीची घोषणा केली होती. त्यापैकी ५०,००० कोटी रुपये विविध प्रकल्पांवर खर्च केल्याचा समूहाचा दावा आहे. दुसरीकडे रिलायन्स इंडस्ट्रीज वर्ष २०३० पर्यंत अक्षय्य ऊर्जेच्या माध्यमातून गुजरातच्या एकूण उर्जेच्या निम्म्या गरजा पूर्ण करण्यास मदत करेल, असे रिलायन्स इंडस्ट्रीजचे अध्यक्ष मुकेश अंबानी म्हणाले.

हेही वाचाः ”मग महाराष्ट्रात तुम्ही आलात कशाला? बोऱ्याबिस्तारा गुंडाळा अन् गुजरातला जा,” अंबानींच्या ‘त्या’ वक्तव्यावर मनसेकडून संताप व्यक्त

गुजरातला हरित ऊर्जा क्षेत्रात अग्रेसर बनवण्यासाठी रिलायन्सने जामनगरमध्ये ५,००० एकरमध्ये ‘धीरूभाई अंबानी ग्रीन एनर्जी गिगा संकुल’ बांधण्यास सुरुवात केली आहे. रिलायन्सने गेल्या १० वर्षांत संपूर्ण देशात १५० अब्ज डॉलरची म्हणजेच १२ लाख कोटी रुपयांहून अधिक गुंतवणूक केली, यातील एक तृतीयांशहून अधिक गुंतवणूक गुजरातमध्ये झाली आहे.पर्यावरणपूरक उत्पादने आणि सामग्रीचा गुजरात हे प्रमुख उत्पादक आणि निर्यातदार राज्य बनेल, असंही मुकेश अंबानींनी अधोरेखित केलं आहे.