पुणे : भारत फोर्जचे अध्यक्ष आणि व्यवस्थापकीय संचालक बाबा कल्याणी यांच्या कुटुंबातील संपत्तीचा वाद न्यायप्रविष्ट असून, आता कंपनीचे संस्थापक नीलकंठ कल्याणी यांचे नातू समीर हिरेमठ आणि नात पल्लवी स्वादी यांनी मामा बाबा कल्याणी यांच्यासह कुटुंबातील सदस्यांविरुद्ध शिवाजीनगर येथील दिवाणी न्यायालयात दावा दाखल केला आहे. त्यांनी भारत फोर्ज आणि कल्याणी स्टील कंपनीतील वाटा, तसेच कौटुंबिक संपत्तीतील नववा हिस्सा मागितला आहे.

हेही वाचा >>> घरांच्या बाजारपेठेत मुंबई, पुण्याचा ५१ टक्के वाटा; तिमाहीत सात महानगरांत १.३० लाख घरांची विक्री

judge dog stolen
न्यायाधीशांच्या घरातून श्वानाची चोरी झाल्याचा आरोप; तब्बल २४ जणांवर गुन्हा दाखल; कुठे घडला प्रकार?
Shram Parihar at Swami Vivekananda Udyan in Airoli Sector
उद्यानात कार्यकर्त्यांचा ‘श्रमपरिहार’! नवी मुंबई पोलीस तसेच महापालिका अधिकाऱ्यांचे दुर्लक्ष
Malabar Hill, Malabar Hill Residents , made unique manifesto, Malabar Hill resident manifesto, Demand Action on Parking, Demand Action on Traffic, arvind sawant, Lok Sabha Elections, Mumbai news, malbar hill news, marathi news,
नेत्यांसाठी रस्ते बंद करू नका, मलबार हिलवासियांचा अनोखा जाहीरनामा; मुख्यमंत्र्यांवर रहिवासी नाराज
Sharad Pawar criticized the country dictatorship under the leadership of Modi in the welfare meeting
मोदींच्या नेतृत्वाखाली देश हुकूमशाहीकडे ! कल्याणच्या सभेत शरद पवारांची टीका
Increase in the price of fruits vegetables and decrease in the price of leafy vegetables
फळभाज्यांच्या दरात वाढ, पालेभाज्यांच्या दरात घट
Buyers ignore foreclosed properties of defaulters in the last ten years
मागील दहा वर्षात थकबाकीदारांच्या जप्त मालमत्तांकडे खरेदीदारांची पाठ
Gokhale Bridge, Barfiwala Bridge,
गोखले पूल आणि बर्फीवाला पूल यांच्यातील नियोजनाचा अभाव का? अतिरिक्त आयुक्त अमित सैनी यांच्या नेतृत्वाखाली सत्यशोधन समिती
Santosh Parab attack case,
संतोष परब हल्ला प्रकरण : नितेश राणे यांना मंजूर जामीन रद्द करा, राज्य सरकारच्या याचिकेवर उच्च न्यायालयाची राणे यांना नोटीस

समीर हिरेमठ आणि पल्लवी स्वादी यांनी दाखल केलेल्या दाव्यात त्यांची आई सुगंधा हिरेमठ, भाऊ गौरीशंकर कल्याणी, त्यांची मुले शीतल आणि विराज कल्याणी आणि बाबा यांचे पुत्र,  समूहाचे सहव्यवस्थापकीय संचालक अमित कल्याणी यांच्यासह कुटुंबातील पाच सदस्यांना प्रतिवादी केले आहे. कल्याणी समूहातील कंपन्यांचे बाजारमूल्य जवळपास ६२ हजार ८३४ कोटी रुपये आहे. कल्याणी कुटुंबीयांच्या नावे पुणे, महाबळेश्वरसह राज्यातील अन्य भागात असलेल्या जमिनींची किंमत अद्याप निश्चित झालेली नाही. ही सर्व संपत्ती हिंदू अविभक्त कुटुंब कायद्यांतर्गत असून, त्यातूनच सर्व उद्योग आणि गुंतवणूक चालविण्यात येत आहे. त्यामुळे या संपत्तीवर केवळ बाबा कल्याणी यांचा अधिकार नाही, असे समीर हिरेमठ आणि पल्लवी स्वादी यांनी दाखल केलेल्या दाव्यात म्हटले आहे.  

प्रतिमा मलीन करण्याचाच यत्न  

बाबा कल्याणी आणि त्यांचे कुटुंब आणि उद्योगसमूहाची प्रतिमा मलीन करण्याच्या उद्देशाने याचिकाकर्त्यांनी चुकीचे आणि निराधार दावे केले आहे. हे निराधार दावे नाकारतो, असे निवेदन भारत फोर्जच्या प्रवक्त्यांनी दिले आहे. याचिकाकर्त्यांनी २० मार्च रोजी पुण्यातील शिवाजीनगर न्यायालयात दावा दाखल केला. तो प्रतिवादींना देण्यापूर्वी, तसेच प्रकरण सुनावणीसाठी दाखल होण्यापूर्वीच दाव्याची प्रत  माध्यमांना देणे धक्कादायक आहे. त्यातून याचिकार्त्यांचा द्वेषयुक्त हेतू दिसून येतो. याविरोधात न्यायालयात भूमिका मांडण्यात येईल, मानहानीबाबत योग्य ती दिवाणी आणि फौजदारी कारवाई केली जाईल, असे निवेदनात स्पष्ट करण्यात आले आहे.