scorecardresearch

Premium

टाटा टेक्नॉलॉजीजचे अभूतपूर्व पदार्पण; १४० टक्के अधिमूल्यासह सूचिबद्ध

दिवसअखेर समभाग १६२.६ टक्क्य़ांनी म्हणजेच ८१३ रुपयांनी उंचावत १३१३ रुपयांवर स्थिरावला. दिवसअखेर ‘टाटा टेक’चे बाजारभांडवल ५३,२६४ कोटी रुपयांवर पोहोचले.

tata Technologies, Stock Market Debut, Premium, BSE, Nifty, share market
टाटा टेक्नॉलॉजीजचे अभूतपूर्व पदार्पण; १४० टक्के अधिमूल्यासह सूचिबद्ध

मुंबई : टाटा समूहातील आघाडीची तंत्रज्ञान कंपनी असणाऱ्या ‘टाटा टेक्नॉलॉजीज लिमिटेड’ने गुरुवारी भांडवली बाजारात स्वप्नवत पदार्पण केले आणि समभाग इश्यू किमतीच्या तुलनेत १४० टक्क्यांच्या प्रचंड अधिमूल्यासह सूचिबद्ध झाला. भांडवली बाजारातील मुख्य बाजारमंचावर नोव्हेंबर २०२१ नंतर प्रथमच मोठ्या दणक्यात स्वागत झाले.

‘टाटा टेक’च्या समभागाने राष्ट्रीय शेअर बाजारात १,२०० रुपयांच्या किमतीवर व्यवहार सुरू केले. समभाग मिळविण्यास यशस्वी ठरलेल्या गुंतवणूकदारांना त्याने दिवसअखेरपर्यंत १८० टक्क्यांचा लाभही दाखविला. सत्रातील व्यवहारात तो १,४०० रुपयांच्या उच्चांकी पातळीवर झेपावला. तर त्याने १,२०० रुपये हा दिवसाचा तळही गाठला. दिवसअखेर समभाग १६२.६ टक्क्य़ांनी म्हणजेच ८१३ रुपयांनी उंचावत १३१३ रुपयांवर स्थिरावला. दिवसअखेर ‘टाटा टेक’चे बाजारभांडवल ५३,२६४ कोटी रुपयांवर पोहोचले.

Opportunities for the unemployed Recruitment for more than 20 thousand vacancies
बेरोजगारांना संधी! २० हजारांपेक्षा जास्त रिक्त पदांवर भरती!
zenith drugs to bring ipo
झेनिथ ड्रग्जची ४०.६७ कोटींची भागविक्री खुली
PF interest rate
आनंदाची बातमी : पीएफ व्याजदर ८.२५ टक्क्यांवर, देशभरातील ६.८ कोटी कर्मचाऱ्यांना फायदा
LIC quarterly profit rose 49 percent to Rs 9444 crore
‘एलआयसी’चा तिमाही नफा ४९ टक्के वाढीसह ९,४४४ कोटी रुपयांवर

‘टाटा टेक’चा ‘आयपीओ’ २२ नोव्हेंबर ते २४ नोव्हेंबरदरम्यान गुंतवणुकीस खुला होता. प्रत्येकी ४७५ ते ५०० रुपये किमतीला झालेल्या या भागविक्रीला गुंतवणूकदारांनी ७० पटीने अधिक भरणा करून उमदा प्रतिसाद दिला होता. तर ‘टाटा टेक’च्या या ३०३४ कोटी रुपयांच्या आयपीओसाठी ७३.५८ लाख अर्जांचा पाऊस पडला होता.

‘गांधार ऑइल’चेही शानदार आगमन; ‘फेडफिना’कडून निराशा

गांधार ऑइल रिफायनरी इंडियाने देखील ७६ टक्के अधिमूल्यासह भांडवली बाजारात पाऊल ठेवले. गुंतवणूकदारांनी आयपीओच्या माध्यमातून १६९ रुपयांना मिळवलेला समभाग २९८ रुपयांवर सूचिबद्ध झाला. दिवसभरातील सत्रात तो ३४४.०५ रुपयांच्या उच्चांकी पातळीवर पोहोचला. तर दिवसअखेर तो ७८.३४ टक्के म्हणजेच १३२.४० रुपयांच्या वाढीसह ३०१.४० रुपयांवर बंद झाला. याबरोबरच भांडवली बाजारात पहिल्यांदा पदार्पण करणाऱ्या फेडबँक फायनान्शियल सर्व्हिसेस लिमिटेडच्या (फेडफिना) समभागांनी मात्र गुंतवणूकदारांची निराशा केली. ‘फेडफिना’चा समभाग सुमारे १.४२ टक्क्यांच्या सवलतीसह १३८ रुपयांवर सूचिबद्ध झाला. गुंतवणूकदारांनी आयपीओच्या माध्यमातून प्रत्येकी १४० रुपयांना हा समभाग मिळविला होता. दिवसअखेर समभाग ०.१८ टक्क्यांच्या वाढीसह १४०.२५ रुपयांवर स्थिरावला. दिवसभरातील सत्रात त्याने १४८.२५ रुपयांची उच्चांकी तर १३३ रुपयांची नीचांकी पातळी गाठली.

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bumper entry of tata technologies stock listed with 140 percent premium print eco news asj

First published on: 30-11-2023 at 18:41 IST

संबंधित बातम्या

तुम्ही या बातम्या वाचल्या आहेत का? ×