मोतीलाल ओसवाल फायनान्शियलकडून एकास तीन बक्षीस समभाग; नफा चारपट वाढीसह ७२४ कोटींवर

वित्त व्यवस्थापन सेवा क्षेत्रातील कंपनी मोतीलाल ओसवाल फायनान्शियल सर्व्हिसेस लिमिटेडच्या संचालक मंडळाने शुक्रवारी एकास तीन बक्षीस (३:१) देण्याची शिफारस केली आहे. बक्षीस समभागासाठी भागधारकांची पात्रता ठरविणारी ‘रेकॉर्ड तारीख’ कंपनीकडून अद्याप निश्चित करण्यात आलेली नाही.

आणखी वाचा

पुण्यातील तळेगाव दाभाडेत ह्युंदाई स्टीलसह नऊ कंपन्यांची मोठी गुंतवणूक! रोजगार निर्मितीलाही चालना मिळणार

Bigg Boss Marathi 5: सर्व एलिमिनेटेड सदस्यांची घरात…

‘सेबी’कडून ह्युंदाई आणि स्विगीच्या महाकाय आयपीओंना मंजुरी; दोन्ही कंपन्यांकडून ३५,००० कोटींची निधी उभारणी अपेक्षित

एनटीपीसी ग्रीन एनर्जीचा आयपीओ नोव्हेंबरमध्ये १०,००० कोटींची निधी उभारणी शक्य

‘भूवैज्ञानिक सर्वेक्षण’कडून खड्ड्याची पाहणी, अहवाल प्राप्त झाल्यानंतरच पुढील कार्यवाही

कंत्राटी भरतीचा पुन्हा धडाका, तीन वर्षे नियमित भरतीची शक्यता धूसर

इलेक्ट्रॉनिक्स उद्योगासाठी ५०० अब्ज डॉलरच्या टप्प्याचे लक्ष्य; पंतप्रधान नरेंद्र मोदींकडून २०३० पर्यंतचे उद्दिष्ट 

ठाणेकरांना ७२ तासआधी हवा गुणवत्ता कळणार? हवा गुणवत्ता व्यवस्थापन यंत्रणा कार्यान्वित

मोतीलाल ओसवालने मार्चअखेर सरलेल्या तिमाहीत ७२४.६ कोटींचा निव्वळ नफा नोंदवला आहे. वार्षिक तुलनेत कंपनीच्या नफ्यात चारपटीने वाढ झाली आहे. गेल्या वर्षी याच तिमाहीत १६७ कोटी रुपयांचा करोत्तर नफा तिने मिळवला होता, असे मोतीलाल ओसवाल फायनान्शियल सर्व्हिसेसने मुंबई शेअर बाजाराला दिलेल्या माहितीत म्हटले आहे. जानेवारी-मार्च तिमाहीत कंपनीचे उत्पन्न २,१५८.१५ कोटी रुपयांवर पोहोचले आहे. जे आधीच्या आर्थिक वर्षाच्या याच तिमाहीत १,०३३.५४ कोटी होते. तर २०२३-२४ या संपूर्ण आर्थिक वर्षात, कंपनीने २,४४५.६२ कोटी रुपयांचा निव्वळ नफा आणि ७,१३०.५२ कोटी रुपये एकूण उत्पन्न मिळवले आहे. सकारात्मक निकाल आणि बक्षीस समभागाच्या पार्श्वभूमीवर, कंपनीचा समभाग ८.६६ टक्क्यांनी वधारून मुंबई शेअर बाजारात २,६७७ रुपये या ५२ आठवड्यांच्या उच्चांकावर पोहोचला. दिवसअखेरीस समभाग ५.६७ टक्क्यांनी वाढून २,६००.६५ रुपयांवर स्थिरावला.