scorecardresearch

Premium

परकीय चलन गंगाजळी १५ महिन्यांतील उच्चांकासह ६०९ अब्ज डॉलरपुढे

ऑक्टोबर २०२१ मध्ये, देशाच्या परकीय चलन गंगाजळीने ६४५ अब्ज डॉलर अशी उच्चांकी पातळी गाठली होती.

dollar
परकीय चलन गंगाजळी १५ महिन्यांतील उच्चांकासह ६०९ अब्ज डॉलरपुढे( संग्रहित छायाचित्र)/ लोकसत्ता

मुंबई : भारताच्या परकीय चलन गंगाजळीत वाढ झाली असून, १४ जुलै रोजी संपलेल्या आठवड्याच्या अवधीत गंगाजळी १२.७४ अब्ज डॉलरने वाढून ६०९.०२ अब्ज डॉलरवर पोहोचली असून ही तिची मागील १५ महिन्यांतील उच्चांकी पातळी आहे, असे रिझर्व्ह बँकेने शुक्रवारी प्रसिद्ध केलेली आकडेवारी स्पष्ट करते. आधीच्या आठवड्यात परकीय चलन गंगाजळी ५९६.२८ अब्ज डॉलर पातळीवर होती.

ऑक्टोबर २०२१ मध्ये, देशाच्या परकीय चलन गंगाजळीने ६४५ अब्ज डॉलर अशी उच्चांकी पातळी गाठली होती. तर भांडवली बाजारात झालेली घसरण, रशिया-युक्रेन युद्ध, खनिज तेलाच्या दराने गाठलेला उच्चांक आणि परदेशी संस्थात्मक गुंतवणूकदारांच्या निधीचे निर्गमन यामुळे गेल्या वर्षी ऑक्टोबर २०२२ मध्ये ती ५२४.५२ अशी दोन वर्षांतील नीचांकी पातळीवर गडगडली होती. मात्र सध्या भांडवली बाजारातील विक्रमी तेजी आणि परकीय संस्थात्मक गुंतवणूकदारांकडून सुरू राहिलेला डॉलर-पौंडाचा लक्षणीय ओघ या जोरावर गंगाजळीने पुन्हा एकदा ६०० अब्ज डॉलरचा टप्पा ओलांडला आहे.

Four times increase in dengue patients in East Vidarbha
नागपूर : पूर्व विदर्भात ‘डेंग्यू’च्या रुग्णांत चारपट वाढ!
Application by Foreign Creditors for Bankruptcy of Byju to Bangalore Bench of National Company Law Tribunal print economic news
परकीय देणेकऱ्यांकडून ‘बायजू’च्या दिवाळखोरीसाठी अर्ज; राष्ट्रीय कंपनी कायदा न्यायाधिकरणाच्या बंगळूरु खंडपीठाकडे धाव
inflation in india
विश्लेषण : भारतातील अन्नधान्य चलनवाढीचे जागतिकीकरण कसे रोखणार? आता कोणते घटक निर्णायक ठरणार?
India has become the fourth largest stock market
भारतीय शेअर बाजाराची मोठी कामगिरी; ‘या’ देशाला मागे टाकत पटकावला चौथा क्रमांक

नॅशनल सिक्युरिटीज डिपॉझिटरी लिमिटेडने दिलेल्या आकडेवारीनुसार, परकीय गुंतवणूकदारांनी गेल्या तीन महिन्यांत भारतीय भांडवली बाजारात १,६०० कोटी डॉलर मूल्याची नक्त समभाग खरेदी केली आहे.

GAURAV MUTHE

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Foreign exchange reserves hit 15 month high ahead of dollar 609 billion print eco news amy

First published on: 22-07-2023 at 11:35 IST

संबंधित बातम्या

×