नवी दिल्ली : रशियातून सवलतीच्या दरात आयात केलेल्या खनिज तेलामुळे आर्थिक वर्ष २०२३-२४ मधील पहिल्या ११ महिन्यांत भारताची ७.९ अब्ज डॉलरची बचत झाली असून, देशाचा आयात खनिज तेल व उत्पादनांचा खर्च १५.२ टक्क्यांनी कमी झाला आहे.

जागतिक पातळीवर खनिज तेलाच्या भावात झालेली घसरण आणि रशियाकडून सवलतीच्या दरात मिळत असलेल्या तेलाचा फायदा भारताला होत आहे. आगामी काळात रशियाकडून सवलत कमी होत असल्याने चालू आर्थिक वर्षात भारताचा खनिज तेल आयातीचा खर्च १०१ ते १०४ अब्ज डॉलरवर जाण्याचा अंदाज आहे. मात्र मागील आर्थिक वर्षात एप्रिल ते फेब्रुवारी या कालावधीत भारताचा खनिज तेल आयातीचा खर्च १५.२ टक्क्यांनी कमी झाला. या कालावधीत खनिज तेलाची आयात वाढूनही खर्च कमी झाला आहे.

Hybrid multi asset category best in volatile markets
अस्थिर बाजारात हायब्रिड, मल्टी ॲसेट श्रेणी सर्वोत्तम
Best Selling SUV Car
बाजारात ७.४६ लाखाच्या ‘या’ ५ सीटर SUV ला तुफान मागणी, १४ महिन्यांत १.५ लाखाहून अधिक कारची विक्री, मायलेज…
An increase in the price of tomatoes Retail at Rs 80 per kg
टोमॅटोच्या दरात वाढ; किरकोळीत प्रतिकिलो ८०रुपयांवर
May PMI at 5 month low
सेवा क्षेत्रही मरगळीकडे! मेचा ‘पीएमआय’ ५ महिन्यांच्या नीचांकांवर
4.07 lakh crore loss to Adani Group in the fall of share market
अदानी समूहाला पडझडीत ४.०७ लाख कोटींची झळ
Paytm loss at five and a half billion
पेटीएमचा तोटा साडेपाच अब्जांवर; रिझर्व्ह बँक निर्बंधांचा पुढच्या तिमाहीतही फटका बसण्याचे संकेत
Estimated 17 to 19 percent increase in income for jewelry sellers
सोन्यातील तेजीचा असाही परिणाम; सराफांचे उत्पन्न १७ ते १९ टक्क्यांनी वाढण्याचा अंदाज
Economy momentum from the first quarter Optimism in Reserve Bank Monthly Bulletin
अर्थव्यवस्थेला गतिमानता पहिल्या तिमाहीपासूनच! रिझर्व्ह बँकेच्या मासिक पत्रिकेत आशावाद

हेही वाचा >>> आधार हाऊसिंग फायनान्सची प्रत्येकी ३०० ते ३१५ रुपयांना भागविक्री

‘इक्रा’ या पतमानांकन संस्थेने दिलेल्या माहितीनुसार, खनिज तेलाच्या आयातीचा खर्च भारताने आर्थिक वर्ष २०२२-२३ मध्ये ५.१ अब्ज डॉलर आणि २०२३-२४ मध्ये ७.९ अब्ज डॉलरने कमी झाला. गेल्या आर्थिक वर्षात पहिल्या अकरा महिन्यांत रशियातून आयात होणाऱ्या खनिज तेलाचे प्रमाण ३६ टक्क्यांवर पोहोचले. हे प्रमाण आर्थिक वर्ष २०२१-२२ मध्ये केवळ २ टक्के होते. याचवेळी पश्चिम आशियातील सौदी अरेबिया, संयुक्त अरब अमिराती आणि कुवेतमधील खनिज तेलाच्या आयातीचे प्रमाण गेल्या आर्थिक वर्षातील पहिल्या ११ महिन्यांत २३ टक्क्यांवर घसरले. हे प्रमाण आर्थिक वर्ष २०२१-२२ मध्ये ३४ टक्के होते.

खनिज तेलाची आयात घटली

खनिज तेलाची आयात यंदा मार्चच्या तुलनेत एप्रिलमध्ये ८ टक्क्यांनी घटली आहे. सरकारकडून देशांतर्गत उत्पादन वाढविण्यासोबत आयातीवर अवलंबित्व कमी करण्यासाठी पावले उचलली जात आहेत. खनिज तेलाची एकूण आयात मार्चमध्ये प्रतिदिन ४९ लाख पिंप होती. ती एप्रिलमध्ये प्रतिदिन ४५ लाख पिंपांवर आली आहे, असे व्होर्टेक्सा संस्थेने म्हटले आहे.