हिंदुस्थान झिंकच्या विभागणीला सरकारचा नकार केंद्रीय खाण सचिवांची माहिती

नवी दिल्ली : हिंदुस्तान झिंक लिमिटेडचे वेगवेगळ्या घटकांमध्ये विभाजन करण्याचा वेदांत समूहाच्या प्रस्ताव केंद्रीय खाण मंत्रालयाने नाकारला आहे. सरकार हिंदुस्तान झिंकमधीलअल्पसंख्याक भागधारक श्रेणीतील सर्वात मोठा भागीदार आहे, ज्यांची कंपनीत २९.५४ टक्के हिस्सेदारी आहे. वेदांत समूहाने हिंदुस्तान झिंकबाबत दिलेल्या विभजनाचा प्रस्तावाशी सहमत नसून तो नाकारत असल्याचे केंद्रीय खाण सचिव व्ही एल कांथा राव यांनी दिली. हिंदुस्तान झिंकने यापूर्वी आपले बाजारभांडवल वाढवण्यासाठी झिंक आणि सिल्व्हर यासह स्वतंत्र संस्थांमध्ये विभाजन करून व्यवसाय बंद करण्याची घोषणा केली होती. मात्र भागधारक म्हणून आम्हाला वेदांतचा निर्णय पटलेला नाही, असे कांथा राव यांनी सांगितले. शिवाय सध्या एका आघाडीच्या सल्लागार कंपनीला व्यवसायाला गती प्राप्त करून देण्यासाठी आणि तिच्या योजनांचा अभ्यास करण्यासाठी नेमले आहे.