सबसिडी नव्हे, तर ३० महिन्यांनंतर थेट गॅस सिलिंडरच स्वस्त, तुमच्या शहरातील किंमत काय?| LPG Gas Cylinder Rates Not subsidy but direct gas cylinder after 30 months cheaper what is the price in your city

LPG Gas Cylinder Price : बुधवार ३० ऑगस्ट रोजी IOCL ने आपली वेबसाइट अपडेट केली आहे आणि सर्वत्र किंमत २०० रुपयांनी कमी केली आहे. याचा अर्थ सरकारने घरगुती सिलिंडरमागे थेट २०० रुपयांची कपात केली आहे.

(फोटो - पीटीआय)

LPG Gas Cylinder Price Maharashtra : देशात गॅस सिलिंडरच्या दरात २०० रुपयांची कपात जाहीर करण्यात आली होती, जी आजपासून म्हणजेच ३० ऑगस्टपासून लागू करण्यात आली आहे. म्हणजेच देशात ३० महिन्यांनंतर घरगुती गॅस सिलिंडर स्वस्त झाले आहेत. एप्रिल २०२१ मध्ये देशातील चारही महानगरांमध्ये घरगुती गॅस सिलिंडरच्या किमतीत शेवटची कपात करण्यात आली होती. त्यावेळी दिल्लीत गॅस सिलिंडरची किंमत ८१९ रुपयांवरून ८०९ रुपये करण्यात आली होती. मंगळवारी सरकारने गॅस सिलिंडरच्या दरात थेट २०० रुपयांची कपात केली आहे. परंतु ती फक्त सबसिडीखाली सिलिंडरला लागू असणार, अशी चर्चा सुरू होती. ज्यामध्ये आधी पूर्ण रक्कम भरावी लागेल, त्यानंतर सबसिडी खात्यात येईल. बुधवार ३० ऑगस्ट रोजी IOCL ने आपली वेबसाइट अपडेट केली आहे आणि सर्वत्र किंमत २०० रुपयांनी कमी केली आहे. याचा अर्थ सरकारने घरगुती सिलिंडरमागे थेट २०० रुपयांची कपात केली आहे.

उज्ज्वला गॅस धारकांसाठी २०० रुपये सबसिडी आधीच होती, ती आता ४०० रुपये झाली आहे, तर सर्वसामान्यांसाठी २०० रुपयांचा दिलासा दिला आहे. मोदी सरकारची सर्व महिलांना रक्षाबंधनाची भेट असल्याचा केंद्रीय माहिती प्रसारण मंत्री अनुराग ठाकूर यांचा पत्रकार परिषदेत दावा केला होता.

चार महानगरांमध्ये भाव किती झाले?

देशाची राजधानी दिल्लीत गॅस सिलिंडरची किंमत ११०३ ते ९०३ रुपयांवर आली आहे. तसेच कोलकातामध्ये गॅस सिलिंडरची किंमत पूर्वी ११२९ रुपये होती, जी ९२९ रुपयांवर आली आहे. दुसरीकडे मुंबईत पहिल्यांदा गॅस सिलिंडरची किंमत ११०२.५० रुपये होती, ती आता ९०२.५० रुपयांवर आली आहे. चेन्नईत पहिल्यांदा गॅस सिलिंडरची किंमत १११८.५० रुपयांवरून ९१८.५० रुपयांवर आली आहे. त्याआधी मार्च २०२३ पासून घरगुती गॅस सिलिंडरच्या किमतीत कोणताही बदल झालेला नाही.

हेही वाचाः विश्लेषण : हायस्पीड 5 जी नेटवर्क, तीन वर्षांत २०० दशलक्ष ग्राहक; जिओ एअर फायबरची व्याप्ती काय? जाणून घ्या सविस्तर

३० महिन्यांनंतर गॅस सिलिंडर झाला स्वस्त

३० महिन्यांनंतर गॅस सिलिंडरची किंमत कमी झाली आहे. एप्रिल २०२१ मध्ये शेवटच्या गॅस सिलिंडरच्या किमतीत सुधारणा करण्यात आली होती. त्यावेळी देशाची राजधानी दिल्लीत गॅस सिलिंडरची किंमत ८१९ रुपयांवरून ८०९ रुपयांपर्यंत वाढली होती. याचाच अर्थ त्या वेळीही किमतीत केवळ १० रुपयांची सूट देण्यात आली होती. IOCL च्या वेबसाइटनुसार, तेव्हापासून किमती १० वेळा वाढल्या आहेत आणि २९४ रुपयांनी वाढवण्यात आल्या आहेत.

हेही वाचाः LPG Gas Price : मोठी बातमी! घरगुती गॅस सिलिंडरच्या दरात २०० रुपयांची कपात

This quiz is AI-generated and for edutainment purposes only.

व्यावसायिक गॅस सिलिंडरची किंमत

देशाची राजधानी दिल्लीत गॅस सिलिंडरच्या दरात १०० रुपयांनी कपात करण्यात आली असून, त्याची किंमत १६८० रुपयांवर आली आहे. गेल्या वेळी ४ जुलै रोजी ७ रुपयांनी वाढ होऊन भाव १७८० रुपयांपर्यंत गेले होते. कोलकातामध्ये गॅस सिलिंडरच्या किमतीत ९३ रुपयांची कपात झाली असून, त्याची किंमत १८०२.५० रुपयांवर आली आहे. गेल्या महिन्यात किंमत १८९५.५० होती. मुंबईतही व्यावसायिक गॅस सिलिंडरच्या दरात ९३ रुपयांनी कपात करण्यात आली आहे. त्यामुळे किंमत १६४०.५० रुपयांपर्यंत खाली आली आहे. जुलै महिन्यात सिलिंडरची किंमत १७३३.५० होती. दक्षिण भारतातील सर्वात मोठे महानगर असलेल्या चेन्नईमध्ये गॅस सिलिंडरच्या दरात ९२.५ रुपयांनी कपात करण्यात आली असून, त्याची किंमत १८५२.५० रुपयांवर आली आहे. जुलै महिन्यात येथील लोकांना १९४५ रुपये मोजावे लागतात.

First published on: 30-08-2023 at 10:35 IST

Web Title: Lpg gas cylinder rates not subsidy but direct gas cylinder after 30 months cheaper what is the price in your city vrd

LPG Gas Price : सबसिडी नव्हे, तर ३० महिन्यांनंतर थेट गॅस सिलिंडरच स्वस्त, तुमच्या शहरातील किंमत काय?

चार महानगरांमध्ये भाव किती झाले?

३० महिन्यांनंतर गॅस सिलिंडर झाला स्वस्त

व्यावसायिक गॅस सिलिंडरची किंमत