आता तुम्ही म्हणाल भारतरत्न सचिन तेंडुलकर यांचा या लेखमालिकेशी काय संबंध? विशेषतः आर्थिक गैरव्यवहार आणि घोटाळ्याशी संबंधित लेखमालिकेत. पण ज्याप्रमाणे त्यांचा स्ट्रेट ड्राइव्ह आहे, त्याचप्रमाणे वित्तीय वर्तनदेखील अगदी सरळ आणि साधे आहे. हा खरेतर घोटाळा नसून प्राप्तिकर विभागाने टाकलेला एक फसवा बाउन्सर चेंडू होता. तोदेखील सचिन तेंडुलकर यांनी, त्या बाउन्सरला अप्पर कट मारून चक्क सीमापार केले आणि षटकार वसूल केला.

वर्ष २०११ हे प्रत्येक भारतीय क्रिकेटप्रेमीसाठी आणि विशेषतः सचिन तेंडुलकर यांच्यासाठी देखील खासच होते. कारण त्या वर्षी तेंडुलकर यांनी दोन सामने जिंकले. एक म्हणजे विश्वचषक आणि दुसरा प्राप्तिकर खटला. सामना जिंकला म्हणून, अन्यथा घोटाळाच झाला असता. प्राप्तिकर कायदा १९९५ नुसार, तुम्ही जर अभिनेता म्हणजे नट किंवा नटी असाल आणि तुमचे उत्पन्न परकीय चलनात असेल तर कायद्याच्या कलम ८० आरआरप्रमाणे प्राप्तिकर भरण्यात तुम्हाला सूट आहे. सचिन तेंडुलकर यांनी वर्ष २००१ मध्ये सुमारे सहा कोटी रुपये विविध जाहिरातींमधून कमावले आणि त्यातील १.७७ कोटी रुपये परदेशी चलनात होते. अर्थातच कायद्याच्या वरील तरतुदीप्रमाणे त्या रकमेवर प्राप्तिकर भरण्यातून सूट मास्टर ब्लास्टरने आपल्या परताव्यात दाखवली. पण हा दावा प्राप्तिकर अधिकाऱ्यांनी फेटाळला आणि सांगितले की, जी सूट नटाला मिळते ती सूट क्रिकेटपटूला मिळणार नाही. तरीही सचिनच्या वकिलांनी हा दावा केला की, बीसीसीआयकडून जे उत्पन्न मिळते ते इतर उत्पन्न असून जाहिरातींचे उत्पन्न उद्योग व व्यवसायामधून मिळाले आहे आणि ते बरोबरच आहे. मग हा दावा गेला अपिलीय प्राधिकरणात आणि तिकडे तर अधिकाऱ्यांनी म्हटले की, सचिन तेंडुलकर हे जर क्रिकेटपटू नसतील तर भारतात काय जगातसुद्धा कुणी क्रिकेटपटू असू शकत नाही. तर सचिन तेंडुलकर यांचे म्हणणे होते की, तो नटच आहे. कारण तो सार्वजनिक कलाकार आहे. बरीच वर्षे दोन्ही बाजूने कागदोपत्री युक्तिवाद सुरू होता.

UP 10th Standard Topper Girl Prachi Nigam Facial Hair Controversy
अगं प्राची, दहावी बोर्डात पहिली आलीस पण चेहऱ्यावरचे केस काढता आले नाही? नक्की लाज कुणी सोडलीये?
Kiran Mane Post Viral
“मी ब्राह्मण, तो कासार हे सांगणं…”, चिन्मय मांडलेकरच्या पत्नीच्या व्हिडीओवर किरण मानेंनी केलेली पोस्ट चर्चेत
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
austrelian
भारतातील निवडणुकीचं वार्तांकन करण्याची परवानगी ऑस्ट्रेलियन पत्रकाराला नाकारली? सरकारने स्पष्ट केली भूमिका
narendra modi shinde fadnavis reuters
फडणवीसांना डावलून शिंदेंना मुख्यमंत्री का केलं? पंतप्रधान मोदींनी सांगितली भाजपाची रणनीती
loksatta editorial pm narendra modi controversial statement on muslim community
­­­­अग्रलेख : पंतप्रधानांचे आभार माना!
ajit pawar narendra modi
नरेंद्र मोदींच्या शरद पवारांवरील ‘अतृप्त आत्मा’ टीकेवर अजित पवार म्हणाले, “मी पुढच्या सभेत मोदींनाच…”
uddhav thackeray viral video
शरद पवारांनी उद्धव ठाकरेंना बाहेर जायला सांगितलं, ठाकरेंनी हात जोडले अन्..; भाजपाने शेअर केला ‘तो’ VIDEO

हेही वाचा : Gold-Silver Price on 21 April 2024: सोन्याच्या किमतीने केला कहर, लोकांना फोडला घाम, १० ग्रॅमचा दर जाणून घ्या

सचिन तेंडुलकर यांच्या वकिलांचे वारंवार म्हणणे होते की, तो कलाकारच आहे आणि अधिकाऱ्यांच्या म्हणण्यानुसार तो कलाकार आहे पण त्याआधी तो क्रिकेटर आहे आणि म्हणून या तरतुदी त्याला लागू होत नाहीत. त्यांनी जर क्रिकेटपटू म्हणून खेळातून परदेशी चलनात उत्पन्न मिळवले असते तर ते पात्र ठरले असते. एका युक्तिवादात तर अधिकारी म्हणाले की, सचिन तेंडुलकर यांना ‘आयडेंटिटी क्रायसिस’ म्हणजे ओळखच नाही आणि त्यांना स्वतःला ठरवता येत नाही की, ते क्रिकेटपटू आहेत की अभिनेता. अखेरीस २०११च्या मे महिन्यात अपिलीय प्राधिकरणाने सचिन तेंडुलकर यांच्या बाजूने निकाल दिला. त्यात त्यांनी असे म्हटले की सचिन तेंडुलकर हे क्रिकेटपटूच आहेत, पण तरीही जेव्हा लाइट्स कॅमेरा आणि ॲक्शन म्हटल्यानंतर त्याला आपली सर्जनशीलता, कल्पना आणि कौशल्य दाखवावेच लागते. ज्याप्रमाणे एखादा कसलेला कलाकार दाखवतो. तसेच कुठल्याही व्यक्तीला दोन व्यवसाय असण्यातसुद्धा काही गैर नाही आणि त्यामुळे प्राप्तिकर विभागाचे म्हणणे योग्य ठरत नाही.

हेही वाचा : ‘ईपीएफओ’च्या सदस्यसंख्येत वर्षभरात १.६५ कोटींची भर

थोडक्यात काय तर एक घोटाळा पुन्हा एकदा होता होता वाचला. घोटाळ्याचा चुकीचा आरोप हाच एक घोटाळा! अशा आपल्या लाडक्या मास्टर ब्लास्टर क्रिकेटपटूला (की अभिनेत्याला?) २४ एप्रिलच्या ५१ व्या वाढदिवसाच्या आगाऊ शुभेच्छा!

डॉ. आशीष थत्ते
@AshishThatte
ashishpthatte@gmail.com

लेखक कॉस्ट अँड मॅनेजमेंट अकाउंटंट म्हणून कार्यरत आहेत