तैवानने पुन्हा एकदा चीनला मोठा धक्का दिला आहे. तैवानची कंपनी होन हाय ज्याला फॉक्सकॉन म्हणूनही ओळखले जाते, ती भारतात १.६ अब्ज डॉलर्स म्हणजेच १३ हजार कोटी रुपयांहून अधिक गुंतवणूक करण्याची योजना आखत आहे. ही गुंतवणूक बांधकाम प्रकल्पांमध्ये असेल. सोमवारी उशिरा तैवानमधील एक्सचेंज फायलिंगमध्ये ही घोषणा करण्यात आली आहे. ही गुंतवणूक केवळ ऑपरेशनल गरजा पूर्ण करण्यासाठी केली जात असल्याचे सांगितले. कंपनीच्या प्रवक्त्याने नवीन सुविधा कुठे असतील आणि तिथे काय बांधले जाणार हे सांगण्यास नकार दिला.
फॉक्सकॉनचा निम्मा महसूल अॅपलकडून येतो
Hon Hai म्हणजेच Foxconn आणि इतर तैवानच्या कंपन्या अमेरिका आणि चीनमधील वाढत्या तणावामुळे चीनबाहेर त्यांचा व्यवसाय वाढवण्यासाठी प्रयत्नशील आहेत. फॉक्सकॉनच्या कमाईपैकी अर्धा हिस्सा Apple Inc सह व्यवसायातून येतो. कंपनी अनेक वर्षांपासून भारतात आयफोन आणि इतर उत्पादनांची निर्मिती करीत आहे. ज्यामध्ये iPhone १५ देखील समाविष्ट आहे. सप्टेंबरमध्ये फॉक्सकॉनच्या भारतातील प्रतिनिधीने LinkedIn वर सांगितले की, तैवानची कंपनी भारतातील आपल्या व्यवसायाचा आकार दुप्पट करण्याचा विचार करीत आहे.
हेही वाचाः अखेर अश्नीर ग्रोवर यांनी न्यायालयात मागितली माफी, २ लाख रुपयांचा दंड का ठोठावण्यात आला?
अनेक कारखाने सुरू आहेत
भारताच्या कर्नाटक राज्य सरकारने ऑगस्टमध्ये घोषणा केली की, फॉक्सकॉनने दक्षिण भारतातील दोन घटक कारखान्यांवर ६०० दशलक्ष डॉलर गुंतवणूक करण्याची योजना आखली आहे. यामध्ये iPhones साठी यांत्रिक घटक बनवणारा प्लांट आणि Applied Materials Inc सह काम करणार्या सेमीकंडक्टर इक्विपमेंट मॅन्युफॅक्चरिंग प्लांटचा समावेश आहे. फॉक्सकॉन भारतात आधीपासून ९ प्रोडक्शन कॅम्पस आणि ३० पेक्षा जास्त कारखाने चालवते, हजारो लोकांना रोजगार देते. यामध्ये दरवर्षी सुमारे १० अब्ज डॉलर्सचा महसूल मिळतो.
अमेरिका-चीन तणावाचा भारताला फायदा होतो
सध्या अमेरिका आणि चीनमध्ये तणावाचे वातावरण आहे. याचा फायदा भारताला मिळू लागला आहे. यामुळेच अॅपलने चीनमधून आपला व्यवसाय मजबूत करण्यास सुरुवात केली आहे. त्यांनी आपला व्यवसाय भारतात हलवण्यास सुरुवात केली आहे. त्याचवेळी तैवानलाही चीनने खूप त्रास दिला आहे. यामुळेच अनेक तैवानच्या कंपन्या चीन सोडून सेमीकंडक्टर प्लांट्ससाठी भारताकडे जात आहेत. अशीच गती कायम राहिल्यास भारत लवकरच जगातील सर्वात मोठा कारखाना बनेल. जो एकेकाळी चीन असायचा.
