टीसीएसला १२,४३४ कोटींचा नफा; तिमाहीगणिक ९.१ टक्के वाढ

गेल्या वर्षी जानेवारी ते मार्च २०२३ या तिमाहीत कंपनीने ११,३९२ कोटी रुपये नफा मिळवला होता. मार्च तिमाहीत कंपनीचा महसूल ३.५ टक्क्यांनी वाढून ६१,२३७ कोटी रुपयांवर गेला आहे. गेल्या वर्षी याच तिमाहीत कंपनीने ५९,१६२ कोटी रुपयांचा महसूल प्राप्त केला होता. तसेच सरलेल्या आर्थिक वर्षात म्हणजेच २०२३-२४ मध्ये कंपनीचा एकत्रित निव्वळ नफा ९ टक्क्यांनी वाढून ४५,९०८ कोटी रुपये झाला आहे. कंपनीच्या संचालक मंडळाने प्रतिसमभाग २८ रुपयांचा अंतिम लाभांश देण्याचा निर्णय घेतला आहे.

आणखी वाचा

‘एसएआर टेलीव्हेंचर’चा ६६९ कोटींच्या मोबदल्यात ‘तिकोना’वर ताबा

Madhurima Raje : सतेज पाटील ज्यांच्यामुळे ढसाढसा रडले…

मोठ्या प्रकल्पातील गतिरोधक दूर केले; एकनाथ शिंदे यांची उद्धव ठाकरे यांच्यावर टीका

क्षेत्र अभ्यास – ‘पॉवर मोड ऑन’!

पुणे : गुंतवणुकीच्या आमिषाने ज्येष्ठ नागरिकाची दोन कोटींची फसवणूक, वरद प्राॅपर्टीजच्या संचालकांविरुद्ध गुन्हा

परकीय विक्रेत्यांपेक्षा देशांतर्गत खरेदीदारांचा बाजारात जोर; ‘एफआयआय’ची ८५,००० कोटींच्या समभाग विक्री, तर ‘डीआयआय’कडून १ लाख कोटींची खरेदी

Muhurat Trading Day: सवंत्सर २०८१ बक्कळ लाभाचे… मुहूर्ताला सेन्सेक्सची ३३५ अंशांची कमाई

पिंपरी : अडीच लाख मालमत्ता कर कक्षेत, ३०० कोटींचा महसूल वाढणार

हेही वाचा…व्होडा-आयडियाची समभाग विक्रीतून १८,००० कोटी उभारण्याची घोषणा, १८ एप्रिलपासून प्रति समभाग १०-११ रुपयांनी विक्री

कंपनीने सरलेल्या चौथ्या तिमाहीत भरीव कामगिरी केली आहे. नवीन कार्यादेश, विविध उत्पादने आणि अविवासोबत मोठ्या करारनाम्यासह उदयोन्मुख बाजारपेठांमध्ये तिची चमकदार कामगिरी राहिली. आव्हानात्मक वातावरणातही संशोधन आणि नवकल्पना यांमधील दीर्घकालीन गुंतवणुकीवर कंपनी टिकून राहिली. आगामी काळातदेखील वाढीच्या संधी साधण्यासाठी कार्यक्षमता आणि स्पर्धात्मकता वाढवण्यावर भर राहील, असे कंपनीचे मुख्य कार्यकारी अधिकारी आणि कार्यकारी संचालक एन. गणपती सुब्रमण्यम म्हणाले.

हेही वाचा…सोन्याची विक्रमी तेजीची दौड कायम, जागतिक बाजारात प्रति औंस २,४००.३५ डॉलरचा उच्चांक

दिवसअखेर मुंबई शेअर बाजारात टीसीएसचा समभाग ०.४२ टक्क्यांनी वधारून ४००१.४० रुपयांवर बंद झाला. सध्याच्या समभागांच्या बाजारभावानुसार, कंपनीचे १४.४७ लाख कोटी रुपयांचे बाजारभांडवल आहे.

कर्मचारी संख्या घटली

टीसीएसची कर्मचारी संख्या भांडवली बाजारात २००४ मध्ये सूचिबद्ध झाल्यापासून १९ वर्षांत प्रथमच घटली आहे. २०२३-२४ या आर्थिक वर्षात कर्मचारी संख्या १३,२४९ ने कमी झाली आहे. तर सरलेल्या तिमाहीत म्हणजेच जानेवारी-मार्चमध्ये १,७५९ कर्मचाऱ्यांची घट झाली. ३१ मार्च २०२४ अखेर कंपनीमध्ये एकूण ६,०१,५४६ कमर्चारी कार्यरत असून १५२ देशांमध्ये कंपनीची उपस्थिती आहे. या कर्मचाऱ्यांमध्ये ३५.६ टक्के महिला कर्मचारी आहेत. ॲट्रिशन रेट अर्थात कर्मचारी गळतीचे प्रमाण १२.५ टक्क्यांवर घसरले आहे. कंपनीने वार्षिक वेतनवाढीची घोषणा केली असून उत्कृष्ट कामगिरी करणाऱ्यांना २०२३-२४ या आर्थिक वर्षासाठी दुहेरी-अंकातील वेतनवाढ मिळेल, अशी माहिती मुख्य मानव संसाधन अधिकारी मिलिंद लक्कड यांनी दिली.