Money Mantra : आंतरराष्ट्रीय म्युच्युअल फंड म्हणजे काय?|It is fine till Mutual Funds what are International Mutual Funds vrd 88

International Mutual Funds : अशा प्रकारे गोळा केलेला निधी परकीय चलनावर सूचीबद्ध केलेल्या शेअर्समध्ये गुंतवला जातो, ज्यामुळे तुम्हाला परदेशी अर्थव्यवस्थांच्या वाढीमध्ये सहभागी होण्यास मदत होते.

SIP चे ४ मोठे फायदे माहीत आहेत का? जर तुम्ही 'या' चुका केल्या तर... (फोटो क्रेडिट- लोकसत्ता ग्राफिक्स टीम)

International Mutual Funds : जर तुम्ही आधीच देशांतर्गत म्युच्युअल फंडांमध्ये गुंतवणूक करत असाल तर आंतरराष्ट्रीय म्युच्युअल फंड तुमच्या पोर्टफोलिओसाठी एक मैलाचा दगड ठरू शकतो. आंतरराष्ट्रीय म्युच्युअल फंडातील गुंतवणूक ही देशांतर्गत फंडांची युनिट्स खरेदी करण्यापेक्षा वेगळी नाही. तुम्ही रुपयांमध्ये गुंतवणूक करा आणि त्या बदल्यात आंतरराष्ट्रीय निधीची युनिट्स मिळवा.

अशा प्रकारे गोळा केलेला निधी परकीय चलनावर सूचीबद्ध केलेल्या शेअर्समध्ये गुंतवला जातो, ज्यामुळे तुम्हाला परदेशी अर्थव्यवस्थांच्या वाढीमध्ये सहभागी होण्यास मदत होते. ही गुंतवणूक दोन प्रकारे करता येते. परदेशी शेअर्सची थेट खरेदी किंवा विदेशी शेअर्स असलेल्या विद्यमान जागतिक फंडांमध्ये गुंतवणूक करता येते. देशांतर्गत फंडांप्रमाणेच आंतरराष्ट्रीय म्युच्युअल फंडदेखील सिक्युरिटी एक्सचेंज बोर्ड ऑफ इंडिया (SEBI) द्वारे नियंत्रित केले जातात.

हेही वाचाः Money Mantra : पोस्ट ऑफिसच्या ‘या’ योजनेत दर महिन्याला करा गुंतवणूक, मॅच्युरिटीनंतर तुम्ही लखपती होणार

आंतरराष्ट्रीय म्युच्युअल फंडांबद्दल महत्त्वाच्या गोष्टी

आंतरराष्ट्रीय म्युच्युअल फंड हे देशांतर्गत फंडांप्रमाणेच मूळ भांडवलावर कार्य करतात आणि म्हणूनच त्यांचे स्वरूप आपण देशांतर्गत बाजारात पाहतो त्याप्रमाणेच असतात. आंतरराष्ट्रीय म्युच्युअल फंडाचे तीन प्रमुख प्रकार आहेत, ज्यात तुम्ही गुंतवणूक करू शकता. पहिला म्हणजे त्या विशिष्ट देशाचा फंड, जो त्याच्या बाजारात काम करतो, दुसरा विशिष्ट क्षेत्राशी संबंधित आंतरराष्ट्रीय फंड असतो. हे आयटी किंवा देशाच्या इतर कोणत्याही विशिष्ट क्षेत्रावर आधारित असतात. त्यानंतर ग्लोबल फंड येतो. यामध्ये आंतरराष्ट्रीय स्तरावरील विविध कंपन्यांच्या फंडांमध्ये गुंतवणूक केली जाते.

हेही वाचाः वर्ल्ड कपचा इंडियन एअरलाइन्सला मोठा फायदा, ‘एवढ्या’ लाख प्रवाशांनी विमानानं उड्डाण करत रचला इतिहास

म्युच्युअल फंडांबद्दल नेहमी असे म्हटले जाते की, जेव्हा बाजार घसरत असेल तेव्हा त्यात पैसे गुंतवावेत. याचा फायदा असा की, जेव्हा बाजार वर जातो तेव्हा नफा मिळतो. बाजारात नेहमीच चढ उतार पाहायला मिळत असतात.

First published on: 20-11-2023 at 16:05 IST

TOPICSमनीमंत्र Personal Finance

मराठीतील सर्व मनी-मंत्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: It is fine till mutual funds what are international mutual funds vrd