CBSE 10th Results 2022 : दहावीचा निकाल लांबला; जाणून घ्या कधी होणार जाहीर

केंद्रीय माध्यमिक शिक्षण मंडळाच्या (CBSE) निकालाची देशभरातील लाखो विद्यार्थी वाट पाहत आहेत.

CBSE 10th 2022 result delayed
यंदा सीबीएसई दहावी बोर्डाच्या परीक्षेला बसलेल्या विद्यार्थ्यांची संख्या २१ लाख आहे. (प्रातिनिधिक फोटो : Indian Express)

CBSE 10th Result 2022 News in Marathi : मीडिया रिपोर्ट्सनुसार सेंट्रल बोर्ड ऑफ सेकंडरी एज्युकेशन (CBSE) सीबीएसई टर्म २चा १०वी निकाल २०२२ आज जारी करणार नाही. बोर्ड योग्य वेळी तारीख आणि वेळ सामायिक करेल. यावेळी, निकालाची आतुरतेने वाट पाहणाऱ्या सर्व विद्यार्थ्यांना अधिक माहितीकरिता अधिकृत वेबसाइटवर तपासत राहण्याचा सल्ला देण्यात आला आहे.

यापूर्वी, इंडियन एक्सप्रेसच्या अहवालानुसार, एका वरिष्ठ अधिकाऱ्याने सांगितले होते की जुलैच्या अखेरीस निकाल घोषित केले जातील. तेव्हापासून, ४ जुलै २०२२ रोजी सीबीएसई इयत्ता १०वीचे निकाल जाहीर होणार अशा अफवा पसरल्या आहेत. कोणत्याही अफवांना बळी न पडता विद्यार्थ्यांनी अधिकृत वेबसाइटवर बारकाईने लक्ष ठेवावे असे बोर्डाकडून सांगण्यात आले आहे.

बोर्डाने सीबीएसई टर्म २ इयत्ता १०वीची परीक्षा २६ एप्रिल ते २४ मे दरम्यान देशभरात घेतली. बोर्ड आता वेबसाईटवर निकाल जाहीर करेल. त्यानंतर, बोर्ड टर्म १ आणि २ च्या एकत्रित गुणपत्रिका जारी करेल. बोर्ड टर्म २ इयत्ता १०वी परीक्षेचे निकाल डिजीलॉकर, उमंग अ‍ॅप आणि परीक्षा संगम पोर्टल सारख्या एकाधिक डिजिटल प्लॅटफॉर्मवर प्रसिद्ध करेल.

सीबीएसई १०वीचे निकाल cbseresults.nic.in आणि cbse.gov.in या अधिकृत वेबसाइटवर देखील जाहीर केले जातील. तसेच निकाल तपासण्याचा दुसरा मार्ग म्हणजे एसएमएस सेवा. जे विद्यार्थी डिजिटल प्लॅटफॉर्मवर इंटरनेट कनेक्टिव्हिटीच्या समस्यांना सामोरे जातील ते त्यांचे निकाल एसएमएसद्वारे देखील पाहू शकतील.

सीबीएसई दहावीचे गुणपत्रक डाउनलोड करण्याची प्रक्रिया

  • दहावीचा निकाल पाहण्यासाठी सीबीएसईच्या अधिकृत वेबसाइट cbseresults.nic.in आणि cbse.gov.in जा.
  • होम पेजवरील सीबीएसई इयत्ता १०वी निकालाच्या लिंकवर क्लिक करा.
  • त्यानंतर, स्क्रीनवर लॉगिन पेज दिसेल.
  • आता, उमेदवारांनी त्यांचा रोल नंबर आणि जन्मतारीख प्रविष्ट करणे आवश्यक आहे.
  • यानंतर तुम्ही तुमचा निकाल स्क्रीनवर पाहू शकाल.
  • आता हा निकाल डाउनलोड करून भविष्यातील वापरासाठी याची प्रिंटआऊट काढून ठेवा.

मराठीतील सर्व करिअर वृत्तान्त ( Career-vrutantta ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cbse 10th results 2022 today or tomorrow confusion of 21 lakh students persists pvp

Next Story
JEE Main 2022 : जेईई मुख्य सत्र १ साठीची उत्तरपत्रिका जाहीर; जाणून घ्या, कसा नोंदवता येणार आक्षेप
ताज्या बातम्या
फोटो गॅलरी