रोजगार संधी

सशस्त्र पोलीस दलांमध्ये महाराष्ट्रातील युवकांसाठी १०६० जागा
अर्जदार शालान्त परीक्षा उत्तीर्ण व शारीरिकदृष्टय़ा सक्षम असायला हवेत.
या संदर्भात अधिक माहिती व तपशिलासाठी ‘एम्प्लॉयमेंट न्यूज’च्या १५ ते २१ डिसेंबर २०१२च्या अंकात प्रकाशित झालेली कर्मचारी निवड आयोगाची जाहिरात पाहावी अथवा आयोगाच्याhttp://ssconline.nic.in किंवा http://ssconline2.gov.in या संकेतस्थळांना भेट द्यावी.
संगणकीय पद्धतीने वरील संकेतस्थळांवर अर्ज करण्याची शेवटची तारीख ११ जानेवारी २०१३.

सैन्यदलात धार्मिक अधिकाऱ्यांच्या ७१ जागा
अर्जदार पदवीधर व शारीरिकदृष्टय़ा सक्षम असायला हवा. बीए अथवा संस्कृत वा हिंदीतील विशेष पात्रताधारकांना अथवा इस्लाम, बौद्ध वा पारशी धर्माच्या अभ्यासकांना प्राध्यान्य देण्यात येईल.
अर्जाचा नमुना व तपशिलासाठी ‘एम्प्लॉयमेंट न्यूज’च्या ८ ते १४ डिसेंबर २०१२च्या अंकात प्रकाशित झालेली सैन्यदलाची जाहिरात पाहावी.
महाराष्ट्रातील उमेदवारांनी विहित नमुन्यातील, संपूर्णपणे भरलेले अर्ज आवश्यक त्या कागदपत्रांसह हेडक्वार्टर्स-रिक्रूटिंग झोन, ३, राजेंद्रसिंहजी मार्ग, पुणे ४११००१ या पत्त्यावर पाठविण्याची शेवटची तारीख १२ जानेवारी २०१३.

गार्डन रिच शिप-बिल्डर्स अँड इंजिनीअर्समध्ये मरीन इंजिनीअर्स बनण्याची संधी
अर्जदारांनी मेकॅनिकल इंजिनीअरिंग अथवा नेव्हल आर्किटेक्चरमधील पदवी परीक्षा कमीत कमी ५० टक्के गुणांसह उत्तीर्ण केलेली असावी व ते शारीरिकदृष्टय़ा सक्षम असायला हवेत. वयोमर्यादा २८ वर्षे.
अधिक माहिती व तपशिलासाठी ‘एम्प्लॉयमेंट न्यूज’च्या २२ ते २८ डिसेंबर २०१२च्या अंकात प्रकाशित झालेली गार्डन रिच बिल्डर्स अँड इंजिनीअर्सची जाहिरात पाहावी. अथवा कंपनीच्या ६६६.ॠ१२ी.ल्ल्रू.्रल्ल या संकेतस्थळाला भेट द्यावी.
विहित नमुन्यातील संपूर्णपणे भरलेले व आवश्यक त्या कागदपत्रांसह असणारे अर्ज टीएमई, गार्डन रिच शिप बिल्डर्स अँड इंजिनीअर्स लिमिटेड, टेक्निकल ट्रेनिंग सेंटर, ५, डॉ. रवींद्रनाथ टागोर मार्ग, न्यू डनलॉप ब्रिज, बारंगर, कोलकोता- ७०००५८ या पत्त्यावर पाठविण्याची शेवटची तारीख १० जानेवारी २०१३.

‘स्टील अ‍ॅथॉरिटी’मध्ये शिकाऊ कामगारांच्या ८५ जागा
अर्जदार शालान्त परीक्षा उत्तीर्ण असावेत व त्यांनी औद्योगिक प्रशिक्षण संस्थेतून सर्वेक्षण, इलेक्ट्रिशियन, इलेक्ट्रॉनिक व इन्स्ट्रमेंटेशन, मेकॅनिकल यांसारख्या विषयातील पात्रता उत्तीर्ण केलेली असावी.
या संदर्भात अधिक माहिती व तपशिलासाठी ‘एम्प्लॉयमेंट न्यूज’च्या २२ ते २८ डिसेंबर २०१२ च्या अंकात प्रकाशित झालेली स्टील अ‍ॅथॉरिटी ऑफ इंडियाची जाहिरात पाहावी अथवा ‘सेल’च्या http://www.sail.co.in या संकेतस्थळाला भेट द्यावी.
संगणकीय पद्धतीने वरील संकेतस्थळावर अर्ज करण्याची शेवटची तारीख १५ जानेवारी २०१३.

राष्ट्रीय संरक्षण अकादमी व नौदल अकादमी परीक्षा-२०१३ अंतर्गत सैन्यदलात ३५५ जागा
उमेदवार बारावीची परीक्षा उत्तीर्ण झालेले असावेत व ते शारीरिकदृष्टय़ा सक्षम असायला हवेत. त्यांचा जन्म २ जानेवारी १९९५ ते १ जुलै १९९७च्या दरम्यान झालेला असावा.
अर्जाचा नमुना व तपशिलासाठी ‘एम्प्लॉयमेंट न्यूज’च्या २२ ते २८ डिसेंबर २०१२च्या अंकात प्रकाशित झालेली केंद्रीय लोकसेवा आयोगाची जाहिरात पाहावी अथवा आयोगाच्याwww.upsc.gov.in या संकेतस्थळाला भेट द्यावी.
संगणकीय पद्धतीने केंद्रीय लोकसेवा आयोगाच्या http://www.upsconline.nic.in या संकेतस्थळावर अर्ज करण्याची शेवटची तारीख २१ जानेवारी २०१२.