Success Story: करोडोंचा कौटुंबिक व्यवसाय सोडून सुरू केली स्वतःची कंपनी; भारतात आहे ‘हा’ लोकप्रिय ब्रँड, अंबानी कुटुंबाशी आहे नातं

या दिग्गज उद्योजकांचे नाव दिलीप पिरामल असून हे अंबानी कुटुंबाचे नातेवाईक आहेत. दिलीप पिरामल हे ईशा अंबानीचा पती आनंद पिरामलचे मोठे काका आहेत. आनंदचे वडील अजय पिरामल हे पिरामल ग्रुपचे प्रमुख असताना, त्यांचे मोठे भाऊ दिलीप पिरामल यांनी कुटुंबाच्या कापडाचा व्यवसाय सोडून स्वतःचा नवा व्यवसाय सुरू केला. दिलीप पिरामल यांनी VIP इंडस्ट्रीजची स्थापना केली असून त्यांनी आतापर्यंत ६,३६८ कोटी रुपयांच्या कमाईसह भारतातील लगेज आणि बॅग उत्पादन क्षेत्रात आपले नाव कमावले आहे.

दिलीप पिरामल यांचा जन्म २ नोव्हेंबर १९४९ रोजी मुंबईतील एका श्रीमंत कुटुंबात झाला होता. त्यांनी १९७० मध्ये सिडनेहॅम कॉलेज ऑफ कॉमर्स अँड इकॉनॉमिक्समधून बॅचलर ऑफ कॉमर्सची पदवी घेतली. १९७० मध्ये ते मोरारजी मिल्सचे संचालक म्हणून कौटुंबिक व्यवसायात सामील झाले. त्यानंतर त्यांनी VIP इंडस्ट्रीची सुरुवात केली.

त्यांच्या VIP इंडस्ट्रीजने कार्लटन, Caprese, Aristocrat, Skybags आणि Alfa यांसह अनेक यशस्वी ब्रँड्स सुरू केले आहेत. हे ब्रँड्स खूप लोकप्रिय असून सध्या देशभरात या ब्रँड्सला मोठ्या प्रमाणात पसंती मिळत आहे.

हेही वाचा: Success Story: १६ व्या वर्षी उत्तीर्ण केली AIIMS ची परीक्षा, तर २२ व्या वर्षी झाले IAS अधिकारी; पण नोकरी सोडून केली Unacademy ची स्थापना

सध्या दिलीप पिरामल यांची मुलगी राधिका हिने VIP इंडस्ट्रीजच्या प्रगतीत मोलाची भूमिका बजावली आहे आणि सध्या ती अनेक कंपनीची व्यवस्थापकीय संचालक म्हणून काम करते. वडील आणि मुलगी यांनी जोडीने कंपनीला करोडोंच्या घरात पोहोचवले आहे. पिरामल कुटुंबाची एकूण संपत्ती अंदाजे USD ५.८ अब्ज आहे, तर दिलीप पिरामल यांची वैयक्तिक संपत्ती सुमारे ४००० कोटी रुपये फोर्ब्सनुसार आहे.