Success Story: यूपीएससी परीक्षा ही देशातील सर्वात कठीण परीक्षांपैकी एक मानली जाते. दरवर्षी लाखो उमेदवार ही परीक्षा उत्तीर्ण होऊन आयएएस होण्याचे स्वप्न पाहतात, परंतु हे यश मिळवणे तितके सोपे नाही. आज आम्ही तुम्हाला अशाच एका तरुणीचा प्रेरणादायी प्रवास सांगणार आहोत, जिने तिच्या आयुष्यातील अडचणींना न जुमानता आपले स्वप्न साकार केले आणि आयएएस अधिकारी बनली. या यशस्वी महिलेचे नाव रुपल राणा आहे.
सुरुवातीचे शिक्षण आणि कौटुंबिक संघर्ष
रुपल राणा उत्तर प्रदेशातील बागपत जिल्ह्यातील रहिवासी आहे. रुपल राणाने बागपत येथील जेपी पब्लिक स्कूलमधून आपले शिक्षण घेतले. इयत्ता दहावीत तिने चांगले गुण मिळवले, त्यानंतर तिने पिलानी इन्स्टिट्यूट ऑफ टेक्नॉलॉजीमधून अकरावी आणि बारावीचे शिक्षण पूर्ण केले. उच्च शिक्षणासाठी तिने दिल्ली विद्यापीठाच्या देशबंधू कॉलेजमधून पदवी मिळवली, जिथे ती विद्यापीठात टॉपर होती.
आईचे झाले निधन
रुपल राणाने लहानपणीच तिच्या आईला गमावले. हे तिच्या आयुष्यातील सर्वात मोठे दुःख होते, पण तिने हार मानली नाही. तिचे वडील जसवीर राणा, जे दिल्ली पोलिसांत सहाय्यक उपनिरीक्षक (एएसआय) होते आणि भावंडांनी तिला नेहमीच पुढे जाण्यासाठी प्रेरणा दिली. कुटुंबाच्या पाठिंब्याने आणि तिच्या दृढनिश्चयामुळे, रुपलने तिचा अभ्यास सुरू ठेवला.
पहिल्या दोन प्रयत्नात अपयश
यूपीएससीच्या तयारीत अपयश येणे सामान्य आहे. रूपल राणादेखील पहिल्या दोन प्रयत्नांमध्ये यशस्वी झाली नाही, परंतु हार मानण्याऐवजी तिने अधिक मेहनत घेतली. तिसऱ्या प्रयत्नात तिने २६ वा क्रमांक मिळवला आणि आयएएस होण्याचे तिचे स्वप्न पूर्ण केले. रुपल राणाची कहाणी अशा सर्व तरुणांसाठी प्रेरणादायी आहे.
