20 September 2020

News Flash

प. बंगालमधील विरोधीपक्षांचे १०७ आमदार भाजपात होणार दाखल: मुकुल रॉय

यामध्ये तृणमुल काँग्रेस, काँग्रेस आणि मार्क्सवादी कम्युनिस्ट पार्टीच्या आमदारांचा समावेश असल्याचे त्यांनी सांगितले.

मुकुल रॉय

पश्चिम बंगालमधील विरोधी पक्षांचे १०७ आमदार लवकरच भाजपात दाखल होणार आहेत, असा खळबळजनक दावा भाजपा नेते मुकुल रॉय यांनी शनिवारी पत्रकार परिषदेत केला. यामध्ये तृणमुल काँग्रेस, काँग्रेस आणि मार्क्सवादी कम्युनिस्ट पार्टीच्या आमदारांचा समावेश असल्याचे त्यांनी सांगितले.


मुकुल रॉय म्हणाले, भाजपात दाखल होणाऱ्या या विरोधी पक्षातील आमदारांची आमच्याकडे यादी देखील तयार असून ते आमच्या संपर्कात आहेत.

सध्या कर्नाटक आणि गोव्यामध्ये भाजपाने विरोधी पक्षांच्या आमदारांना आपल्याकडे वळवण्याची खेळी केली आहे. त्यामुळे या दोन्ही राज्यांतील राजकीय परिस्थितीत प्रचंड उलथापालथ झाली आहे. यानंतर मध्य प्रदेश आणि राजस्थानातही भाजपा अशीच खेळी खेळणार असल्याचे वृत्त दोन दिवसांपूर्वी माध्यमांमधून सुरु होते. त्यानंतर आता पश्चिम बंगालमधून हे नवे वृत्त आल्याने खळबळ उडाली आहे.

कर्नाटक सरकारमधील काँग्रेस-जेडीएसच्या १० आमदारांनी राजीनामा दिल्यानंतर येथे निर्माण झालेला राजकीय पेच आणि त्यानंतर भाजपाने सरकार स्थापनेसाठी केलेला दावा या पार्श्वभूमीवर भाजपा राज्यांच्या राजकारणात जाणीवपूर्ण अनैतिक व्यवहार करीत असल्याचा आरोप नुकताच विरोधी पक्षांनी केला होता. त्यासाठी काँग्रेससह तृणमुल काँग्रेस, राष्ट्रवादी काँग्रेस, सीपीएम आणि तेलगू देसम पार्टीच्या खासदारांनी संसद परिसरात निदर्शने केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 13, 2019 6:04 pm

Web Title: 107 west bengal mlas will join bjp says bjps mukul roy at kolkata aau 85
Next Stories
1 एका कुटुंबाच्या स्वार्थामुळे काँग्रेसची दयनीय अवस्था – प्रकाश जावडेकर
2 जगावर पुन्हा वैश्विक मंदीचे ढग? ‘या’ देशांच्या अर्थव्यवस्थेने दिले संकेत
3 … तर पाकिस्तानला त्यांच्याच भाषेत उत्तर दिलं जाईल : बिपिन रावत
Just Now!
X