एका १२ वर्षांच्या मुलाने एसबीआय मधून ३ लाख रुपये चोरले आणि पळून गेला. एसबीआयच्या रामपूर शाखेत ही घटना घडली. या घटनेचे सीसीटीव्ही फुटेज समोर आले आहे. पोलीस या फुटेजच्या आधारेच या १२ वर्षांच्या मुलाचा पोलीस शोध घेत आहेत. उत्तर प्रदेशातील रामपूरमध्ये ही घटना घडली. एका बॅगेत या मुलाने ३ लाख रुपये भरले आणि काहीही घडलेच नाही अशा अविर्भावात तो ही बॅग घेऊन बँकेच्या बाहेर पडला. बँकेत पोलीसही उपस्थित होते तरीही मुळीच भीती न बाळगता हा मुलगा बँकेच्या बाहेर पडला. आता पोलीस या मुलाचा शोध घेत आहेत. #WATCH 12 year old boy steals Rs 3 lakhs from an SBI branch in Rampur. Police have begun investigation pic.twitter.com/koLTHgZ9ON — ANI UP (@ANINewsUP) March 16, 2018 रामपूरचे व्यापारी बँकेत ३ लाख रुपये भरण्यासाठी आले होते. त्यांच्या बॅगेत ३ लाख रुपये होते आणि त्यांना फोन आल्याने ते फोनवर बोलत होते. त्याचवेळी एक १२ वर्षांचा मुलगा तिथे आला त्याने ही बॅग उचलली आणि बँकेतून काढता पाय घेतला. या मुलाने रामपूरच्या व्यापाऱ्यावर नजर ठेवली असावी असा अंदाज पोलिसांनी व्यक्त केला आहे. आथा सीसीटीव्ही फुटेजच्या आधारे या मुलाचा शोध घेतला जातो आहे.