14 August 2020

News Flash

नैराश्यामुळे टिकटॉक स्टारची आत्महत्या

टिकटॉक या अॅपवर तिचे खूप फॉलोअर्स होते.

(प्रातिनिधिक छायाचित्र)

नैराश्यामुळे टिकटॉक स्टारने आत्महत्या केल्याची माहिती समोर येत आहे. दिल्ली युनिव्हर्सिटीमध्ये शिकणारी ही टिकटॉक स्टार १८ वर्षांची होती. टिकटॉक या अॅपवर तिचे खूप फॉलोअर्स होते. ‘टाइम्स ऑफ इंडिया’ने दिलेल्या वृत्तानुसार, तिच्या आत्महत्येनंतर सूसाइड नोट मिळाली नसून टिकटॉकवर बंदी आणल्यामुळे नैराश्यात येऊन तिने हे पाऊल उचलल्याचं समजतंय.

चुलत भावाला ही तरुणी तिच्या रुममध्ये मृतावस्थेत आढळल्यानंतर पोलिसांना त्याबद्दलची माहिती देण्यात आली. गेल्या दोन-तीन महिन्यांपासून ती नैराश्यात असल्याची माहिती कुटुंबीयांनी पोलिसांना दिली. सरकारने ५९ चिनी अॅप्सवर बंदी आणली आणि यामध्ये टिकटॉक या अॅपचाही समावेश आहे. हा अॅप बंद झाल्याने तरुणीच्या मानसिक आरोग्यावर परिणाम झाल्याचं त्यांनी सांगितलं.

नैराश्यामुळे आत्महत्येसारखं टोकाचं पाऊल उचलल्याची अनेक प्रकरणं सध्या समोर येत आहेत. अभिनेता सुशांत सिंह राजपूतनेही नैराश्यामुळे आत्महत्या केल्याचं म्हटलं जात आहे. त्यामुळे मानसिक आरोग्य आणि नैराश्य यांविषयी अधिकाधिक जनजागृती व्हावी अशी मागणी अनेक कलाकारांकडून होतेय.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 7, 2020 11:10 am

Web Title: 18 year old tiktok star dies by suicide was suffering from depression ssv 92
Next Stories
1 अमेरिकेतल्या कर्मचाऱ्यांना Infosys ने स्पेशल चार्टर्ड विमानाने आणलं परत, 200 हून अधिक जण भारतात परतले
2 भारतानंतर अमेरिकाही टिकटॉकसह चिनी अ‍ॅप्सवर बंदी घालण्याच्या तयारीत
3 आम्ही तुमच्या पाठिशी: चीनविरोधी संघर्षात अमेरिकी लष्कराची भारताला साथ
Just Now!
X