25 February 2021

News Flash

कर्नाटक विधानसभेत काँग्रेसचे ९ आमदार गैरहजर

आमदार जे. एन. गणेश हे स्वपक्षीय आमदाराशी झालेल्या मारहाणीपासून अज्ञातवासात आहेत

(संग्रहित छायाचित्र)

बेंगळुरू : कर्नाटक विधानसभेच्या अर्थसंकल्पीय अधिवेशनात पक्षादेश असूनही काँग्रेसचे नऊ आमदार बुधवारी गैरहजर राहिल्याने सत्तारूढ काँग्रेस-धर्मनिरपेक्ष जनता दल युतीत चिंतेचे सावट आहे. या नऊपैकी रमेश जारकीहोळी, उमेश जी. जाधव, बी. नागेंद्र आणि महेश कुमथळ्ळी हे चौघे १८ जानेवारीच्या काँग्रेस विधिमंडळ पक्षाच्या बैठकीसही गैरहजर राहिले होते. जारकीहोळी हे भाजपच्या वाटेवर असल्याची चर्चा पूर्वीपासूनच जोरात आहे. आमदार जे. एन. गणेश हे स्वपक्षीय आमदाराशी झालेल्या मारहाणीपासून अज्ञातवासात आहेत, तेही फिरकले नाहीत. भाजप आमदारांनी अधिवेशन सुरू होताच राज्यपाल वजुभाई वाला यांच्या अभिभाषणातच गदारोळ केला आणि भाषण अर्ध्यावरच बंद पाडले. सिद्धरामय्या यांनी पुन्हा पक्षादेश काढला असून ६ ते १५ फेब्रुवारीदरम्यान उपस्थिती अनिवार्य असल्याचे नमूद केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 7, 2019 3:26 am

Web Title: 9 congress mlas absent in karnataka legislative assembly
Next Stories
1 प्रियंका गांधींमुळे युपीत काॅंग्रेसची मतं नी भाजपाच्या जागा वाढणार
2 शबरीमला मंदिरात महिलांच्या प्रवेशाचे समर्थन
3 चार तास आणि ३६ प्रश्न, ईडीकडून रॉबर्ट वड्रा यांची कसून चौकशी
Just Now!
X