सासऱ्यांनी त्यांच्यासोबत शरीरसंबंध ठेवण्याची मागणी केली, असा आरोप सुनेने केला आहे. या प्रकरणी महिनेने अहमदाबादच्या गोमतीपूर पोलीस ठाण्यात सासऱ्यांविरोधात विनयभंगाची तक्रार नोंदवली आहे. सासू घरामध्ये नसताना हा सर्व प्रकार घडला. सासऱ्यांनी शरीरसंबंध ठेवण्याचा प्रयत्न केल्यानंतर महिला तिच्या दोन वर्षाच्या मुलीला घेऊन घराबाहेर पळाली. तिने आपल्या सासूला फोन करुन सर्व घडलेला प्रकार सांगितला. सासू आपल्या मुलीकडे गेली होती. सासू घरी आल्यानंतर, या प्रकरणी तक्रार नोंदवण्यासाठी ती सूनेला आपल्यासोबत पोलीस ठाण्यात घेऊन गेली. टाइम्स ऑफ इंडियाने हे वृत्त दिले आहे. आणखी वाचा- विवाहबाह्य संबंधाच्या संशयातून पत्नीची हत्या, दुबईत भारतीय तरुणाला जन्मठेप कलम ३५४ अ अंतर्गत पोलिसांनी गुन्हा नोंदवला आहे. पण अजून आरोपीला अटक केलेली नाही. शनिवारी नवरा कामासाठी घराबाहेर होता आणि सासू मुलीकडे गेली होती. त्यावेळी रात्रीच्या सुमारास सासरे तिच्या शेजारी येऊन झोपले व त्यांनी विनयभंग केला असे एफआयआरमध्ये म्हटले आहे.
